ⴰⵙⴱⴰⵢⵏⵓ ⴰⵎⴰⵜⴰⵢ ⵏ ⵜⴳⵍⴷⵉⵜ ⴷⴰ ⵉⵙⵙⴽⴰⵔ ⵢⴰⵜ ⵜⵡⵓⵔⵉ ⵏ ⵍⴱⴰⵏⴽⴰ ⴷ ⵓⵙⵎⵓⵜⵜⵔ ⵏ ⵓⴷⵎⴰⵙ ⵉ ⵓⵥⵕⴼ ⵏ ⵓⵙⴱⴰⵢⵏⵓ ⴰⴳⴷⵓⴷⴰⵏ. ⵜⴰⵡⵓⵔⵉ ⵏ ⵍⴱⴰⵏⴽⴰ ⵏ ⵓⵙⴱⴰⵢⵏⵓ ⴰⵎⴰⵜⴰⵢ ⵏ ⵜⴳⵍⴷⵉⵜ ⴷⴰ ⵜⵜ ⵙⵙⴽⴰⵔⵏ 54 ⵏ ⵜⵏⵇⵇⴰⴹⵜ ⵏ ⵓⵎⵢⴰⵡⴰⴹ ⵉⵍⵍⴰⵏ ⵖⴼ ⵡⴰⴽⴰⵍ ⴰⵏⴰⵎⵓⵔ ⴰⴽⴽⵯ. ⵜⵓⴳⴳⴰ ⵖⵉⴼⵙⵏ ⵜⵣⵓⵏⵉ ⵏ ⵓⵔⴳⴰⵢ ⴰⴳⴷⵓⴷⴰⵏ.

ⴰⴳⵓⵏⵙ ⵏ ⵓⵙⴰⵜⵢ ⵏ ⵜⵡⵓⵔⵉ ⴰⴷ, ⴰⵙⴱⴰⵢⵏⵓ ⴰⵎⴰⵜⴰⵢ ⵏ ⵜⴳⵍⴷⵉⵜ ⴷⴰ ⵢⵉⴽⴽⵉ ⵉ ⵉⵏⵎⵢⴰⵔ ⵏⵏⵙ « ⵉⵎⵥⵍⵉⵢⵏ ⴷ ⵉⵎⵔⵙⴰⵍⵏ » ⵙⵉⵏ ⵉⵢⴰⴼⵓⵜⵏ ⵉⴱⴰⵏⴽⵉⵢⵏ ⵉⴳⴰⵏ ⴰⵎⵉⴹⴰⵏ ⵏ ⵓⵙⵔⵔⵓⵙ ⵙ ⵡⴰⵏⵏⴰⵢ ⴷ ⵓⵎⵉⴹⴰⵏ ⵙ ⵓⵙⵔⵔⵓⵙ ⵙ ⵓⵡⵜⵜⵓ, ⵉⵎⵓⵏⵏ ⴷ ⵜⵏⴰⴼⵓⵜⵉⵏ ⴰⴽⴽⵯ  ⵏ ⵍⴱⴰⵏⴽⴰ ⴽⴽⵙ ⴷⵉⴳⵙⵏⵜ ⵖⴰⵙ ⵜⵉⵏ ⵓⵕⵟⵟⴰⵍ.

ⵙ ⵢⴰⵏ ⵢⵉⴽⵍ, ⵜⴰⵏⴰⴼⵓⵜ (ⵙⵎⴳ ⴱⴰⵏⴽ-ⵏⴻⵜ) ⴰⴷ ⵜⴰⴷⴼⵎ ⵙ ⵉⵎⵉⴹⴰⵏⵏ ⵏⵏⵓⵏ ⵙ ⵙⵙⵍⴰⵎⵜ, ⴰⴷ ⵜⵥⵕⵎ ⴽⵓ ⴰⵙⵙ ⴷ ⴽⵓ ⵉⵎⴰⵍⴰⵙⵙ ⴰⵜⵉⴳ ⵏ ⵉⴷⵔⵉⵎⵏ ⴷⵉⴳⵙⵏ ⵉⵍⵍⴰⵏ, ⵜⵖⵉⵢⵎ ⴰⴷ ⵜⵥⵉⵕⵎ ⵜⴰⵏⵎⵎⴰⵍⵜ ⵏ ⵍⴱⴰⵏⴽⴰ ⵏ ⵜⵎⵀⵍⵉⵏ ⵏⵏⵓⵏ.

ⵙ (ⵙⵎⴳ ⴱⴰⵏⴽ-ⵏⴻⵜ) ⵜⵖⵉⵢⵎ ⴰⴷ ⵜⴰⴷⴼⵎ ⴱⴰⵟⵍ ⵖⵔ ⴽⵉⴳⴰⵏ ⵏ ⵜⵏⴰⴼⵓⵜⵉⵏ ⵙⴳ ⵎⴰ ⵢⴰⴳⴳⵓⴳⵏ :

• ⴰⵙⵉⴷⴼ ⵖⵔ ⴰⵜⵉⴳ ⵏ ⵉⴷⵔⵉⵎⵏ ⴷ ⵜⵎⵀⵍⵉⵏ ⵏⵏⵓⵏ ;

• ⴰⵙⵉⴳⴳⵣ ⵏ ⵜⵏⵎⵎⴰⵍⵜ ⵏ ⵍⴱⴰⵏⴽⴰ ;

• ⴰⴳⴰⵎ ⵏ ⵉⵎⵓⵙⵙⵓⵜⵏ ⵏ ⵓⵎⵉⴹⴰⵏ ;

• ⴰⵅⵍⵍⵚ ⵏ ⵡⴰⵔⴳⴰⵢⵏ ⴷ ⵜⴼⴰⵜⵓⵔⵉⵏ ⵏⵏⵓⵏ ;

• ⴰⵙⵓⵜⵔ ⵏ ⵓⵍⵓⴳ ⵏ ⵉⴷ ⵛⵛⵉⴽ.

ⴰⴼⴰⴷ ⴰⴷ ⵜⴰⴷⴼⴷ ⵖⵔ ⵜⵏⴰⴼⵓⵜⵉⵏ, ⵉⵇⵇⴰⵏ ⵏ ⴰⴷ ⵜⵏⵜ ⵜⵙⵙⵓⵜⵔⴷ ⵉ ⵜⵙⵏⵓⵔⴰⵢⵜ ⵏⵏⴽ, ⵔⴰⴷ ⴰⴽ ⵜⴼⴽ ⴰⵙⵎⴰⴳⵉ ⵏⵏⴽ ⴷ ⵜⴳⵓⵔⵉ ⵏ ⵡⴰⴷⴰⴼ.

ⵏⵥⵓ ⴳ ⵓⵙⵖⵣⵏ ⵏ ⵜⵏⵜⴰⵎⵉⵏ ⵏ ⵓⵙⴱⴰⵢⵏⵓ ⴰⵎⴰⵜⴰⵢ ⵏ ⵜⴳⵍⴷⵉⵜ ⴷ ⵙⵓⴳⴳⵣ ⵉⵙⵍⴽⵉⵏⵏ ⵙ ⵜⵖⴰⵔⴰⵙⵜ ⵜⵉⵍⵉⴽⵟⵕⵓⵏⵉⵜ.

ⴰⵙⵖⵣⵏ ⵏ ⵜⵏⵜⴰⵎⵉⵏ ⴷⴰ ⵉⵜⵜⵓⵏⵥⵓ ⵙ ⵜⵖⴰⵔⴰⵙⵜ ⵏ ⵓⴽⵜⵓⵔ ⵏ ⵢⴰⵜ ⵜⵙⵏⵖⵍⵜ ⵙ ⵜⵡⵍⴰⴼⵜ ⵏ ⵢⴰⵜ ⵜⵎⴰⵜⴰⵔⵜ ⵉⵍⵍⴰⵏ ⴳ ⵢⵉⵣⴷⴰⵔ ⵏ ⵜⵏⵜⴰⵎⵜ ⵙ ⵜⵉⵍⵉⴼⵓⵏ ⵏⵖ ⵜⴰⵔⵓⴷ ⵜⴰⵎⴰⵜⴰⵔⵜ ⵏ ⵜⵎⵏⵥⵉⵜ.