amazigh
- ⵜⴰⵣⵡⵓⵔⵜ
- 1. ⴰⵙⴽⴽⵉⵏ
- 2. ⵜⵉⵎⵥⵍⵉⵢⵉⵏ ⵏ ⵜⵏⴰⴼⵓⵜ
- 3. ⵜⵉⵖⴰⵔⴰⵙⵉⵏ ⵏ ⵓⵙⵎⵔⵙ ⵏ ⵜⵏⴰⴼⵓⵜ
- 4. ⵉⵇⴰⵔⵉⴹⵏ
- 5. ⵜⴰⵖⴰⵔⴰⵙⵜ ⵏ ⵓⵅⵍⵍⵚ
- 6. ⵜⵉⵎⵇⵔⴰⴹ ⵏ ⵓⵅⵍⵍⵚ ⵙ ⵍⵉⵏⵜⵉⵔⵏⵉⵜ
- 7. ⴰⵣⵣⴳⵉⵔ ⵏ ⵓⵅⵍⵍⵚ
- 8. ⴰⵏⵥⴰⵜⵏ ⵏ ⵜⵎⴳⴳⴰ ⵉⵜⵜⵓⵅⵍⵍⵚⵏ ⵙ ⵜⴽⴰⵕⴹⴰ ⵏ ⵍⴱⴰⵏⴽⴰ
- 9. ⵜⵉⵏⵏⵓⵜⵍⴰ ⵏ ⵉⵙⴼⴽⴰ
- 10. ⴰⵙⵏⵖⵎⵙ - ⵜⵉⵏⵓⵔⵣⵉⵜⵉⵏ
- 11. ⵜⵉⵎⵙⵜⴳⴳⴰⵔⵉⵏ
- 12. ⴰⵏⵀⵍⵍⴰ
- 13. ⵜⴰⴳⴳⴰⵍⵜ ⵜⴰⵎⵇⵔⴰⵏⵜ
- 14. ⴰⴷⴰⴼ ⵖⵔ ⵜⵏⴰⴼⵓⵜ
- 15. ⴰⵣⵔⴼ ⵉⵜⵜⵓⵙⵡⵓⵔⵉⵏ ⴷ ⵓⵙⵍⴳⵏ ⵏ ⵓⴽⵏⴰⵙ
- 16. ⵉⵙⵏⴼⵍⵏ
ⵜⴰⵣⵡⴰⵔⵓⵜ
ⴰⵙⵎⵔⵙ ⵏ ⵜⵡⵡⵓⵔⵜ « www.tgr.gov.ma » ⵉ ⵓⵅⵍⵍⵚ ⵙ ⵜⴽⴰⵕⴹⴰ ⵏ ⵍⴱⴰⵏⴽⴰ ⵉⵔⴳⴰⵢⵏ ⵉⴷⵖⵔⴰⵏⵏ ⵏⵏⴰ ⵉⵜⵜⴰⵎⵥ ⵓⵙⴱⴰⵢⵏⵓ ⴰⵎⴰⵜⴰⵢ ⵏ ⵜⴳⵍⴷⵉⵜ, ⴰⵏⵎⵢⴰⵔ ⵉⵇⵇⴰⵏ ⵏ ⴰⴷ ⵢⵉⵙⵉⵏⴷ ⴰⴷ ⵉⵇⴱⵍ ⵜⵉⴼⴰⴷⵉⵡⵉⵏ ⵜⵉⵎⴰⵜⴰⵢⵉⵏ ⴰⴷ ⵏⵏⴰ ⵉⵅⵚⵚⴰ ⴰⴷ ⵉⵖⵔ ⵙ ⵍⵄⵇⵍ. ⴽⵓ ⴰⵅⵍⵍⵚ ⵉⵣⵔⵉⵏ ⴳ ⵜⵡⵡⵓⵔⵜ ⴰⴷ ⵀⴰⵏ ⴰⵎⵢⵓⵔ ⵉⵣⵣⵔⵉ ⴱⵍⴰ ⵓⵖⵓⵍ ⴷ ⴱⵍⴰ ⵛⵛⵕⵓⴹ ⵜⵉⴼⴰⴷⵉⵡⵉⵏ ⴰⴷ. [ ⴰⴼⵍⵍⴰ ⵏ ⵜⴰⵙⵍⴰ ]
1. ⴰⵙⴽⴽⵉⵏ
ⴰⵡⵜⵜⴰⵙ ⵏ ⵜⵉⴼⴰⴷⵉⵡⵉⵏ ⴰⴷ ⵉⴳⴰ ⴰⵙⵏⵎⵍ ⵏ ⵉⵣⴷⴰⵢⵏ ⵉⵎⵇⵇⵓⵏⵏ ⴳⵔ ⵓⵙⴱⴰⵢⵏⵓ ⴰⵎⴰⵜⴰⵢ ⵏ ⵜⴳⵍⴷⵉⵜ (ⵙⵎⴳ) ⴷ ⵓⵏⵎⵢⴰⵔ ⵉⵔⴰⵏ ⴰⴷ ⵉⵅⵍⵍⵚ ⵙ ⵓⴱⵔⵉⴷ ⵏ ⵍⵉⵏⵜⵉⵔⵏⵉⵜ, ⵙ ⵜⴽⴰⵕⴹⴰ ⵏ ⵍⴱⴰⵏⴽⴰ ⵉⵔⴳⴰⵢⵏ ⵉⵜⵜⵢⴰⵏⴰⵏ. [ ⴰⴼⵍⵍⴰ ⵏ ⵜⴰⵙⵍⴰ ]
2. ⵜⵉⵎⵥⵍⵉⵢⵉⵏ ⵏ ⵜⵏⴰⴼⵓⵜ
ⵜⴰⵏⴰⴼⵓⵜ ⴰⴷ ⴷⴰ ⵜⵜⴰⴷⵊⴰ ⵉⵏⵙⵙⵎⵔⵙⵏ ⴰⴷ ⵅⵍⵍⵚⵏ ⵉⵔⴳⴰⵢⵏ ⵏⵏⴰ ⵉⵜⵜⴰⵎⵥ ⵓⵙⴱⴰⵢⵏⵓ ⴰⵎⴰⵜⴰⵢ ⵏ ⵜⴳⵍⴷⵉⵜ ⵙ ⵜⴽⴰⵕⴹⴰ ⵏ ⵍⴱⴰⵏⴽⴰ ⵙ ⵓⴱⵔⵉⴷ ⵏ ⵍⵉⵏⵜⵉⵔⵏⵉⵜ ⵙ ⵙⵙⵍⴰⵎⵜ.
ⴰⵢⴰ ⵉⴳⴰ ⵢⴰⵜ ⵜⵖⴰⵔⴰⵙⵜ ⵜⴰⵎⴰⵢⵏⵓⵜ ⵏ ⵓⵅⵍⵍⵚ ⵉⴱⵏⴰⵏ ⵅⴼ ⵓⵙⵙⵎⵔⵙ ⵏ ⵓⵏⴳⵔⴰⵡ ⵏ ⵓⵅⵍⵍⵚ ⵙ ⵍⴰⵎⴰⵏ ⴳ ⵍⵎⵖⵔⵉⴱ ⵜⵜⵉⵍⵉ-ⴰⵙⵖⵏⵣⵉ.
ⴰⵏⴳⵔⴰⵡ ⵏ ⵙⵙⵍⴰⵎⵜ ⵏ ⵓⵅⵍⵍⵚ ⵙ ⵜⵖⴰⵔⴰⵙⵜ ⵏ ⵍⵉⵏⵜⵉⵔⵏⵉⵜ ⵜⵜⵙⴽⵔ ⵜ ⵍⵎⵖⵔⵉⴱ ⵜⵜⵉⵍⵉ-ⴰⵙⵖⵏⵣⵉ, ⵉⵙⵙⵍⴽⵏ ⵜ ⵡⴰⵎⵎⴰⵙ ⵏ ⵉⵇⴰⵔⵉⴹⵏ (ⴰⵇⴳ) ⴳⵔ ⵉⴷ ⵍⴱⴰⵏⴽ ⴷ ⵙⵙⵍⴽⵏⵏ ⵜ ⵉⴷ ⵍⴱⴰⵏⴽ ⵏ ⵍⵎⵖⵔⵉⴱ ⴷ ⵉⵏⴳⵎⴰⵎⵏ ⵉⴳⵔⴰⵖⵍⴰⵏⵏ ⴼⵉⵣⴰ ⴷ ⵎⴰⵙⵟⵔⴽⴰⵕⴷ.
ⴰⵏⴳⵔⴰⵡ ⵍⵎⵖⵔⵉⴱ ⵜⵜⵉⵍⵉ-ⴰⵙⵖⵏⵣⵉ ⵉⴹⵎⵏ ⵜⵉⵏⵏⵓⵜⵍⴰ ⵏ ⵉⵙⴼⴽⴰ ⵉⴱⴰⵏⴽⵉⵢⵏ ⵏ ⵓⵏⵎⵢⴰⵔ ⴰⵛⴽⵓ ⵜⴱⵏⴰ ⵅⴼ ⵡⵓⴼⵓⵔ ⵏ ⵉⵏⵖⵎⵉⵙⵏ ⵉⵜⵜⵓⵙⵏⴼⵍⵏ ⵉⴱⵏⵓ ⵅⴼ ⵜⵉⴽⵏⵓⵍⵓⵊⵉⵜ ⵜⴰⵏⴰⵡⴰⵏⵜ ⴷ ⵉⵔⵎⵎⵓⵙⵏ ⵉⵜⵜⵓⵡⴰⵙⵙⵏⵏ ⵉⵜⵜⵓⵡⴰⴽⵣⵏ ⴳ ⵍⵉⵏⵜⵉⵔⵏⵉⵜ. ⵓⴳⴰⵔ, ⵉⵙⴼⴽⴰ ⵉⴱⴰⵏⴽⵉⵢⵏ ⵏ ⵓⵏⵎⵢⴰⵔ ⴷⴰ ⵜⵜⵓⴰⵣⴰⵏⵏ ⵉ ⵡⴰⵎⵎⴰⵙ ⵏ ⵉⵇⴰⵔⵉⴹⵏ ⴳⵔ ⵉⴷ ⵍⴱⴰⵏⴽ (ⴰⵇⴳ). ⴰⵇⴳ ⴷⴰ ⵉⵜⵜⴰⵙⵉ ⴰⴳⴳⵯⴰ ⵏ ⴰⴷ ⵢⴰⵣⵏ ⵉⵇⴰⵔⵉⴹⵏ ⴳⵔ ⵓⵎⵉⴹⴰⵏ ⵏ ⵍⴱⴰⵏⴽ ⵏ ⵓⵏⵎⵢⴰⵔ ⴷ ⵡⵉⵏ ⵓⵙⴱⴰⵢⵏⵓ ⴰⵎⴰⵜⴰⵢ ⵏ ⵜⴳⵍⴷⵉⵜ.
ⴰⵏⵎⵢⴰⵔ ⵉⵖⵉⵢ ⴰⴷ ⵉⵅⵍⵍⵚ ⵉⵔⴳⴰⵢⵏ ⵙ ⵜⵖⴰⵔⴰⵙⵜ ⵏ ⵍⵉⵏⵜⵉⵔⵏⵉⵜ ⵙ ⵜⴽⴰⵕⴹⴰ ⵏ ⵓⵅⵍⵍⵚ ⵙ ⵙⵙⵍⴰⵎⵜ.
[ ⴰⴼⵍⵍⴰ ⵏ ⵜⴰⵙⵍⴰ ]3. ⵜⵉⵖⴰⵔⴰⵙⵉⵏ ⵏ ⵓⵙⵎⵔⵙ ⵏ ⵜⵏⴰⴼⵓⵜ
ⴰⴼⴰⴷ ⴰⴷ ⵜⵜⵓⵅⵍⵍⵚⵏ ⵉⵔⴳⴰⵢⵏ, ⵉⵖⵉⵢ ⵓⵏⵎⵢⴰⵔ ⴰⴷ ⵉⵙⵜⵉ ⴳⵔ ⵓⵅⵍⵍⵚ ⴳ ⵜⵡⵡⵓⵔⵜ ⵏ ⵙⵎⴳ ⵎⵇⵇⴰⵔ ⵓⵔ ⵉⵜⵜⵓⵣⵎⵎ.
3.1 ⴰⵅⵍⵍⵚ ⴱⵍⴰ ⴰⵣⵎⵎⴻⵎ ⴳ ⵜⵡⵡⵓⵔⵜ ⵏ ⵙⵎⴳ :
ⴰⵏⵎⵢⴰⵔ ⵉⵅⵚⵚⴰ ⴰⴷ ⵉⴼⴽ ⵜⴰⵎⴰⵜⴰⵔⵜ ⵉⵍⵍⴰⵏ ⵅⴼ ⵜⵡⵔⵉⵇⵜ ⵏ ⵓⵔⴳⴰⵢ, ⴰⴷ ⵉⴼⴽ ⴰⵜⵉⴳ ⵏ ⵉⵇⴰⵔⵉⴹⵏ ⵏⵏⴰ ⴷⵉⴳⵙ ⵉⵍⵍⴰⵏ ⴰⴷ ⵢⴰⵔⴰ ⴰⵏⵙⴰ ⴰⵍⵉⴽⵟⵕⵓⵏⵉ ⴷ ⵉⵇⵇⴰⵏ ⴰⴷ ⵉⵇⴱⵍ ⵜⵉⴼⴰⴷⵉⵡⵉⵏ ⵉⵙⵔⵙ ⵜⴰⵎⴰⵜⴰⵔⵜ ⵅⴼ ⵓⴷⵖⴰⵔ ⵙⵔⵙ ⵉⵥⵍⵉⵏ.
ⴰⵏⴳⵔⴰⵡ ⴷⴰ ⵉⵙⵙⴽⴰⵏ ⵉⵏⵖⵎⵉⵙⵏ ⴰⴽⴽⵯ ⵅⴼ ⵓⵔⴳⴰⵢ ⴰⴷ ⵏⵏⴰ ⵉⵔⴰⵏ ⴰⴷ ⵉⵜⵜⵓⵅⵍⵍⵚ, ⵎⴽ ⵍⵍⴰⵏ ⴰⵡⴷ ⵉⵔⴳⴰⵢⵏ ⵓⵔ ⵉⵜⵜⵓⵅⵍⵍⵉⵚⵏ ⵏⵖ ⴽⵔⴰ ⵏ ⵉⵣⵎⴰⵣ ⴷ ⵡⴰⵜⵉⴳ ⵏ ⵜⵏⴰⴼⵓⵜ ⵏ ⵓⵅⵍⵍⵚ ⵙ ⵍⵉⵏⵜⵉⵔⵏⵉⵜ. ⴰⴷ ⵢⴰⵡⵉ ⴰⵏⵎⵢⴰⵔ ⵖⵔ ⵉⴷⴳⴳ ⵙ ⵙⵙⵍⴰⵎⵜ ⵏ ⵍⵎⵖⵔⵉⴱ ⵜⵜⵉⵍⵉ-ⴰⵙⵖⵏⵣⵉ ⴰⴼⴰⴷ ⴰⴷ ⵢⴰⵔⵉ ⵜⵉⵎⵉⵜⴰⵔ ⵏ ⵜⴽⴰⵕⴹⴰ ⵜⴰⴱⴰⵏⴽⵉⵢⵜ ⵏⵏⵙ.
ⴰⴷⴷⴰⵢ ⵉⵜⵜⵓⵇⴱⵍ ⵢⵉⴳⵉ ⴰⴷ, ⵢⴰⵜ ⵜⴱⵔⴰⵜ ⵜⵉⵍⵉⴽⵟⵕⵏⵉⵜ ⴷⴰ ⵜⵜⵓⵡⴰⵣⴰⵏ ⵉ ⵓⵏⵎⵢⴰⵔ, ⴷⵉⴳⵙ ⵜⵉⵎⵉⵜⴰⵔ ⵏ ⵓⵅⵍⵍⵚ.
ⵢⴰⵜ ⵜⵙⵏⵖⵍⵜ ⵏ ⵜⴼⴰⴽⵜⵓⵔⵜ ⵜⴰⵎⴳⴳⴰⵔⵓⵜ ⴷⴰ ⵜⵜⵓⵡⴰⵣⴰⵏ ⵙ ⵜⴱⵔⴰⵜ ⵜⵉⵍⵉⴽⵟⵕⵓⵏⵉⵜ ⵖⵔ ⵜⴰⵏⵙⴰ ⵜⵉⵍⵉⴽⵟⵕⵓⵏⵉⵜ ⵏ ⵓⵏⵎⵢⴰⵔ ⴷⴼⴼⵔ ⴰⵙⵉⴹⵏ ⵏ ⵓⵅⵍⵍⵚ ⴳ ⵜⵏⴰⴼⵓⵜⵉⵏ ⵏ ⵙⵎⴳ.
3.2 ⴰⵅⵍⵍⵚ ⴷⴼⴼⵉⵔ ⴰⵣⵎⵎⴻⵎ ⴳ ⵜⵡⵡⵓⵔⵜ ⵏ ⵙⵎⴳ :
ⴰⵏⵎⵢⴰⵔ ⵉⵜⵜⵓⵣⵎⵎⴻⵎⵏ ⴳ ⵜⵡⵡⵓⵔⵜ ⵏ ⵙⵎⴳ, ⴷⴰ ⵉⵜⵜⴰⴷⴼ ⵖⵔ ⴰⵙⵓⵔⵙ ⵏⵏⵙ ⴰⵥⵕⴼⴰⵏ ⴳⵔ ⴰⵙ ⴷ ⵙⵎⴳ, ⴰⴷⴷⴰⵢ ⵉⵙⵙⴽⵛⵎ ⵉⵙⵎ ⵏⵏⵙ ⴷ ⵜⴳⵓⵔⵉ ⵉⴼⴼⵔⵏ ⵏ ⵡⴰⴷⴰⴼ. ⴰⴷ ⵉⵙⵜⵉ ⴰⵢⵏⵏⴰ ⵉⵔⴰ ⴰⴷ ⵉⵅⵍⵍⵚ, ⵢⴰⴷⴼ ⵖⵔ ⵉⴷⴳⴳ ⵙ ⵙⵙⵍⴰⵎⵜ ⵏ ⵍⵎⵖⵔⵉⴱ ⵜⵜⵉⵍⵉ-ⴰⵙⵖⵏⵣⵉ ⴰⴼⴰⴷ ⴰⴷ ⵉⵙⵙⴽⵛⵎ ⵜⵉⵎⵉⵜⴰⵔ ⵏ ⵜⴽⴰⵕⴹⴰ ⵏ ⵍⴱⴰⵏⴽ ⵏⵏⵙ.
ⴰⴷⴷⴰⵢ ⵉⵜⵜⵓⵇⴱⵍ ⵓⵅⵍⵍⵚ ⴰⴷ, ⵢⴰⵜ ⵜⴱⵔⴰⵜ ⵜⵉⵍⵉⴽⵟⵕⵏⵉⵜ ⴷⴰ ⵜⵜⵓⵡⴰⵣⴰⵏ ⵉ ⵓⵏⵎⵢⴰⵔ, ⴷⵉⴳⵙ ⵜⵉⵎⵉⵜⴰⵔ ⵏ ⵓⵙⵓⵜⵔ ⵏ ⵓⵅⵍⵍⵚ.
ⵢⴰⵜ ⵜⵙⵏⵖⵍⵜ ⵏ ⵜⴼⴰⴽⵜⵓⵔⵜ ⵜⴰⵎⴳⴳⴰⵔⵓⵜ ⴷⴰ ⵜⵜⵓⵡⴰⵣⴰⵏ ⵙ ⵜⴱⵔⴰⵜ ⵜⵉⵍⵉⴽⵟⵕⵓⵏⵉⵜ ⵖⵔ ⵜⴰⵏⵙⴰ ⵜⵉⵍⵉⴽⵟⵕⵓⵏⵉⵜ ⵏ ⵓⵏⵎⵢⴰⵔ ⴷⴼⴼⵉⵔ ⴰⵙⵉⴹⵏ ⵏ ⵓⵅⵍⵍⵚ ⴳ ⵜⵏⴰⴼⵓⵜⵉⵏ ⵏ ⵙⵎⴳ. [ ⴰⴼⵍⵍⴰ ⵏ ⵜⴰⵙⵍⴰ ]
4. ⴰⵜⵉⴳ ⵏ ⵉⵇⴰⵔⵉⴹⵏ
ⴰⵜⵉⴳ ⵏ ⵉⴷⵔⵉⵎⵏ ⵏⵏⴰ ⵉⵅⵚⵚⴰ ⴰⴷ ⵉⵜⵜⵓⵅⵍⵍⵚ ⴳ ⵜⵡⵡⵓⵔⵜ ⵏ ⵙⵎⴳ ⵉⵍⵍⴰ ⵙ ⴷⵔⵀⵎ ⴰⵎⵖⵔⴰⴱⵉ.
ⵖⴰⵙ ⴰⵅⵍⵍⵚ ⵏ ⵡⴰⵜⵉⴳ ⵉⴷⵔⵓⵙⵏ ⵅⴼ 500 000,00 ⴷⵔⵀⵎ ⴰⵢⴷ ⵉⵜⵜⵓⵇⴱⵍⵏ ⵙ ⵓⴱⵔⵉⴷ ⵏ ⵜⴽⴰⵕⴹⴰ ⵏ ⵍⴱⴰⵏⴽ ⴰⵎⵖⵔⴰⴱⵉ. ⵙ ⵜⵉⴽⴰⵕⴹⵉⵡⵉⵏ ⵏ ⵉⴷ ⵍⴱⴰⵏⴽ ⵉⴳⵔⴰⵖⵍⴰⵏⵏ ⵓⵔ ⵉⵖⵉⵢ ⴰⴷ ⵉⵣⵔⵉ ⵡⴰⵜⵉⴳ ⴰⴷ 30 000,00 ⴷⵔⵀⵎ. [ ⴰⴼⵍⵍⴰ ⵏ ⵜⴰⵙⵍⴰ ]
5. ⵜⴰⵖⴰⵔⴰⵙⵜ ⵏ ⵓⵅⵍⵍⵚ
ⴳ ⵓⵅⵍⵍⵚ ⵙ ⵜⴽⴰⵕⴹⴰ ⵏ ⵍⴱⴰⵏⴽⴰ, ⴰⵏⵎⵢⴰⵔ ⵉⵖⵉⵢ ⴰⴷ ⵉⵙⵜⵉ ⴰⵍⵍⴰⵍ ⵏ ⵓⵅⵍⵍⵚ ⴳⵔ ⵡⵉⵏⵏⴰ ⵜⵙⵓⵎⵔ ⵙⵎⴳ ⴳ ⵜⵡⵡⵓⵔⵜ ⵏ ⵓⵅⵍⵍⵚ (ⴼⵉⵣⴰ, ⵎⴰⵙⵜⵔⴽⴰⵔⴷ ⵏⵖ ⴰⵇⴳ).
ⵙ ⵓⵢⴰⴷ, ⵉⵣⵏ ⵏ ⵢⵉⴳⵉ ⵉ ⵓⵅⵍⵍⵚ ⴳ ⵓⵎⵉⴹⴰⵏ ⵏ ⵓⵏⵎⵢⴰⵔ ⴷⴷⴰ ⵉⵜⵜⵓⴳⴰ ⵢⴰⵏ ⵡⴰⵙⵙ ⴷⴼⴼⵔ ⴰⵣⵎⵣ ⵏ ⵓⵇⴱⴰⵍ ⵏ ⵓⵅⵍⵍⵚ.
ⴰⵅⵍⵍⵚ ⵙ ⵜⴽⴰⵕⴹⴰ ⵏ ⵍⴱⴰⵏⴽⴰ ⵉⴳⴰ ⵙ ⵙⵙⵍⴰⵎⵜ ⵏ ⵍⵎⵖⵔⵉⴱ ⵜⵜⵉⵍⵉ-ⴰⵙⵖⵏⵣⵉ. ⴰⵏⵎⵢⴰⵔ ⴷⴰ ⵉⵜⵜⴹⵎⴰⵏ ⵉ ⵙⵎⴳ ⵉⵙ ⵖⵓⵔⵙ ⵜⵓⵔⴰⴳⵉⵏ ⵏⵏⴰ ⵉⵅⵚⵚⴰⵏ ⵉ ⵓⵙⵎⵔⵙ ⵏ ⵜⵖⴰⵔⴰⵙⵜ ⵏ ⵓⵅⵍⵍⵚ ⵏⵏⴰ ⵉⵙⵜⵉ ⵍⵍⵉⴳ ⵉⵙⵔⵙ ⴰⵙⵓⵜⵔ ⵏ ⵓⵅⵍⵍⵚ. [ ⴰⴼⵍⵍⴰ ⵏ ⵜⴰⵙⵍⴰ ]
6. ⵜⵉⵎⵇⵔⴰⴹ ⵏ ⵓⵅⵍⵍⵚ ⵙ ⵍⵉⵏⵜⵉⵔⵏⵉⵜ
ⵙⴳ 01 ⵉⴱⵔⵉⵔ 2013, ⵜⴰⵏⴰⴼⵓⵜ ⵏ ⵓⵅⵍⵍⵚ ⵙ ⵜⵖⴰⵔⴰⵙⵜ ⵏ ⵍⵉⵏⵜⵉⵔⵏⵉⵜ ⵉⴳⴰ ⴱⴰⵟⵟⵍ ⵉ ⵉⵎⴰⵡⴰⵙⵏ. [ ⴰⴼⵍⵍⴰ ⵏ ⵜⴰⵙⵍⴰ ]
7. ⴰⵣⵣⴳⵉⵔ ⵏ ⵓⵅⵍⵍⵚ
ⴰⵅⵍⵍⵚ ⵔⴰⴷ ⵉⵜⵜⵓⵡⴰⴽⵣ ⴳ ⵓⵏⴳⵔⴰⵡ ⵏ ⵙⵎⴳ. ⵎⴽ ⵓⵔ ⵉⵅⴷⵉⵎ ⵓⵏⴳⵔⴰⵡ ⴰⴷ, ⴰⴷ ⵉⵜⵜⵓⵏⵖⵎⵙ ⵓⵏⵎⵢⴰⵔ ⴷ ⵓⵅⵍⵍⵚ ⵏⵏⵙ ⵓⵔ ⴰⴷ ⵉⵣⵔⵉ. ⴰⵏⵎⵢⴰⵔ ⵉⵖⵉⵢ ⴰⴷ ⵢⴰⵍⵙ ⵉ ⵓⵙⵓⵜⵔ ⵏ ⵓⵅⵍⵍⵚ ⵏⵏⵙ ⴽⴰ ⵏ ⵜⵉⴽⴽⵍⵜ ⵢⴰⴹⵏ. [ ⴰⴼⵍⵍⴰ ⵏ ⵜⴰⵙⵍⴰ ]
« ⴰⵣⵎⵣ ⵏ ⵡⴰⵜⵉⴳ ⵉⴳⴰ ⴰⵣⵎⵣ ⵏ ⵓⵣⵔⴰⵢ ⵏ ⵓⵅⵍⵍⵚ ⴳ ⵢⴰⵏ ⴳ ⵉⵙⴰⵔⴰ ⵏ ⵓⵅⵍⵍⵚ ⵏⵏⴰ ⵉⵍⵍⴰⵏ ⵖⵓⵔ ⵙⵎⴳ ».
8. ⴰⵏⵥⴰⵜⵏ ⵏ ⵜⵎⴳⴳⴰ ⵉⵜⵜⵓⵅⵍⵍⵚⵏ ⵙ ⵜⴽⴰⵕⴹⴰ ⵏ ⵍⴱⴰⵏⴽⴰ
ⵉⵙⴼⴽⴰ ⵏⵏⴰ ⵉⵜⵜⵓⵣⵎⵎⴻⵎⵏ ⵖⵓⵔ ⵍⵎⵖⵔⵉⴱ ⵜⵜⵉⵍⵉ-ⴰⵙⵖⵏⵣⵉ ⴳ ⵜⵡⵡⵓⵔⵜ ⵏⵏⵙ ⵉ ⵙⵎⴳ ⴰⵢ ⴳⴰⵏ ⴰⵏⵥⴰ ⵏ ⵢⵉⴳⵉⵜⵏ ⵏ ⵓⵅⵍⵍⵚ ⵏⵏⴰ ⵉⵣⵔⵉⵏ ⴳⵔ ⵓⵏⵎⵢⴰⵔ ⴷ ⵙⵎⴳ.
ⵉⵖⵉⵢ ⵓⵏⵎⵢⴰⵔ ⴰⴷ ⵉⵙⵓⴳⴳⵣ ⵜⴰⵙⵏⵉⵡⵉⵏ ⵏ ⵓⵇⴱⴰⵍ ⵏ ⵓⵙⵓⵜⵔ ⵏ ⵓⵅⵍⵍⵚ. ⵉⵖⵉⵢ ⵓⵏⵎⵢⴰⵔ ⴰⴷ ⵉⴽⵛⵎ ⴳ ⵜⵡⵡⵓⵔⵜ ⴰⴷ ⵖⵔ ⴰⵎⵣⵔⵓⵢ ⵏ ⵉⵅⵍⵍⵉⵚⵏ ⵏⵏⴰ ⵉⵜⵜⵓⵙⴽⵔⵏ ⵙⴳ ⵓⵎⵉⴹⴰⵏ ⵏⵏⵙ ⵙ ⵜⵖⴰⵔⴰⵙⵜ ⵏ ⵍⴰⵏⵜⵉⵔⵏⵉⵜ. [ ⴰⴼⵍⵍⴰ ⵏ ⵜⴰⵙⵍⴰ ]
9. ⵜⵉⵏⵏⵓⵜⵍⴰ ⵏ ⵉⵙⴼⴽⴰ
ⵉⵏⵖⵎⵉⵙⵏ ⵉⵜⵜⵓⵙⵓⵜⵔⵏ ⴳⴰⵏ ⵛⵛⵉⵍ ⴰⴼⴰⴷ ⴰⴷ ⵉⵜⵜⵓⵇⴱⵍ ⵓⵅⵍⵍⵚ, ⵉⵙⴼⴽⴰ ⵢⴰⴷ ⴷⴰ ⵜⵜⵓⵏⵜⴰⵍⵏ, ⴼⴼⵔⵏ. ⴰⵏⵎⵢⴰⵔ ⵖⵓⵔⵙ ⴰⵣⵔⴼ ⵏ ⴰⴷ ⵉⴱⴷⴷⵍ ⵉⵙⴼⴽⴰ ⵙⵔⵙ ⵉⵣⴷⵉⵏ. ⴰⴷ ⴰⵙ ⵜⵜⵓⵡⴰⵣⵏ ⵜⴱⵔⴰⵜ ⵏ ⵓⵎⵢⴰⵡⴰⴹ ⵙⴳ ⵜⵡⵡⵓⵔⵜ ⵏ ⵙⵎⴳ. [ ⴰⴼⵍⵍⴰ ⵏ ⵜⴰⵙⵍⴰ ]
10. ⴰⵙⵏⵖⵎⵙ / ⵜⵉⵏⵓⵔⵣⵉⵜⵉⵏ
ⵉ ⵓⵙⵓⵜⵔ ⵏ ⵓⵙⵏⵖⵎⵙ ⵏⵖ ⵜⵉⵏⵓⵔⵣⵉⵜⵉⵏ, ⴰⵏⵎⵢⴰⵔ ⴰⴷ ⵖⵔ ⵏ ⵜⵖⵓⵔⵉ ⵏ ⵙⵎⴳ ⵉⵍⵍⴰⵏ ⴳ ⵜⴰⵏⵙⴰ ⵢⴰⴷ : https://www.tgr.gov.ma/wps/portal/reclamation. [ ⴰⴼⵍⵍⴰ ⵏ ⵜⴰⵙⵍⴰ ]
11. ⵜⵉⵎⵙⵜⴳⴳⴰⵔⵉⵏ
ⵙⵎⴳ ⵜⵓⵙⵉ ⵜⴰⵎⵙⵜⴳⴳⴰⵔⵜ ⵏ ⴰⴷ ⵜⵙⵡⵓⵔⵉ ⴰⵍⵍⴰⵍⵏ ⴰⴽⴽⵯ ⴰⴼⴰⴷ ⴰⴷ ⵜⴹⵎⵏ ⴰⵙⵙⵓⴷⵓ ⵏ ⵜⵏⴰⴼⵓⵜ ⵙ ⵓⴱⵔⵉⴷ ⵏ ⵍⵉⵏⵜⵉⵔⵏⵉⵜ ; ⵙⵎⴳ ⵓⵔ ⵜⵓⵙⵉ ⵜⴰⵎⵙⵜⴳⴳⴰⵔⵜ ⵏ ⴰⴷⴷⴰⵢ ⵉⵊⵕⴰ ⴽⵔⴰ ⵏ ⵓⴱⴽⴽⴰⴹ, ⵏⵖ ⴽⵔⴰ ⵏ ⵜⵕⵓⵥⵉⵡⵉⵏ ⴰⵢⵏⵏⴰ ⵔⴰⵏⵜ ⴳⵏⵜ ⵏⵏⴰ ⵉⴳⴳⵯⵣⵏ ⵅⴼ ⵓⵏⴰⵎⵢⴰⵔ ⴰⴷⴷⴰⵢ ⵉⵙⵏⵎⴰⵍⴰ ⵜⵉⵏⴰⴼⵓⵜⵉⵏ ⵏ ⵓⵅⵍⵍⵚ ⵙ ⵍⵉⵏⵜⵉⵔⵏⵉⵜ ⵉⴳⴰⵏ ⴰⵙⴽⴽⵉⵏ ⵏ ⵜⴼⴰⴷⵉⵡⵉⵏ ⵜⵉⵎⴰⵜⴰⵢⵉⵏ ⴰⴷ. [ ⴰⴼⵍⵍⴰ ⵏ ⵜⴰⵙⵍⴰ ]
12. ⴰⵏⵀⵍⵍⴰ
ⵙⵎⴳ ⵉⵖⵉⵢ ⴰⴷ ⵉⵙⴱⴷⴷ ⵜⴰⵏⴰⴼⵓⵜ ⵏⵖ ⵢⴰⵜ ⵜⵎⵏⴰⴹⵜ ⴷⵉⴳⵙ ⴽⵓ ⴰⴷⴷⴰⵢ ⵉⵔⴰ ⴰⴷ ⵉⵏⵀⵍⵍⴰ ⴳ ⵜⵏⴰⴼⵓⵜ ⴰⴷ. [ ⴰⴼⵍⵍⴰ ⵏ ⵜⴰⵙⵍⴰ ]
13. ⵜⴰⴳⴳⴰⵍⵜ ⵜⴰⵎⵇⵔⴰⵏⵜ
ⵙⵎⴳ ⵓⵔ ⴷⴰ ⵜⵙⵙⴽⴰⵔ ⵜⵉⵎⵙⵜⴳⴳⴰⵔⵉⵏ ⵏⵏⵙ ⵖⴰⵙ ⴰⴷⴷⴰⵢ ⵓⵔ ⵜⵍⵍⵉ ⴰⵡⴷ ⵢⴰⵜ ⵜⴰⴳⴳⴰⵍⵜ ⵜⴰⵎⵇⵔⴰⵏⵜ ⵏⵏⴰ ⵢⴰⵙ ⵉⴳⴰⵏ ⵜⵉⴼⵉⴽⴽⴰⵛ ⵉ ⵜⵡⵓⵔⵉ ⵏⵏⵙ. [ ⴰⴼⵍⵍⴰ ⵏ ⵜⴰⵙⵍⴰ ]
14. ⴰⴷⴰⴼ ⵖⵔ ⵜⵏⴰⴼⵓⵜ
ⴰⴷⴰⴼ ⵖⵔ ⵜⵏⴰⴼⵓⵜ ⵉⵍⵍⴰ ⴽⵓ ⵢⴰⵙⵙ 24 ⵏ ⵜⵙⴰⵔⴰⴳⵉⵏ ⵅⴼ 24, 7 ⵏ ⵡⵓⵙⵙⴰⵏ ⵅⴼ 7, ⵖⴰⵙ ⴰⴷⴷⴰⵢ ⵜⵍⵍⴰ ⵜⴰⴳⴳⴰⵍⵜ ⵜⴰⵎⵇⵔⴰⵏⵜ ⵏⵖ ⴽⵔⴰ ⵏ ⵜⵡⵓⵔⵉ ⵏ ⵜⵉⴹⴰⴼ ⵏ ⵙⵎⴳ. ⵙⵎⴳ ⴷⴰ ⵜⵜⴰⴷⵊⴰ ⴰⴷ ⵖⵓⵔⵙ ⵢⵉⵍⵉ ⵓⵣⵔⴼ ⵏ ⴰⴷ ⵜⵙⴱⴷⴷ ⵏⵜⴰⵏⴰⴼⵓⵜ ⵏⵖ ⴰⴷ ⵜⵜ ⵜⴽⵙⵙ ⴰⴷⴷⴰⵢ ⵜⵔⴰ. [ ⴰⴼⵍⵍⴰ ⵏ ⵜⴰⵙⵍⴰ ]
15. ⴰⵣⵔⴼ ⵉⵜⵜⵓⵙⵡⵓⵔⵉⵏ ⴷ ⵓⵙⵍⴳⵏ ⵏ ⵓⴽⵏⴰⵙ
ⴰⴽⵏⴰⵙ ⵉⵣⴷⵉⵏ ⴷ ⵓⵎⵙⴰⵙⴰ, ⴰⴼⴰⵙⵔ ⵏⵖ ⴰⵣⵣⴳⵉⵔ ⵏⵖ ⵙ ⵓⵢⵏⵏⴰ ⵉⵣⴷⵉⵏ ⵜⵉⴼⴰⴷⵉⵡⵉⵏ ⵜⵉⵎⴰⵜⴰⵢⵉⵏ ⴷ ⵜⵏⴰⴼⵓⵜⵉⵏ ⵏ ⵓⵅⵍⵍⵚ ⵙ ⵜⵖⴰⵔⴰⵙⵜ ⵏ ⵍⵉⵏⵜⵉⵔⵏⵉⵜ ⴰⴷⴷⴰⵢ ⵓⵔ ⵖⵉⵢⵏ ⵉⵎⴷⵔⴰⵢⵏ ⴰⴷ ⵕⵥⵎⵏ ⴽⵔⴰ ⵏ ⵜⵎⵓⴽⵔⵉⵙⵜ ⵙ ⵓⵎⵙⴰⵙⴰ ⴳ 15 ⵏ ⵡⵓⵙⵙⴰⵏ ⴷⴼⴼⵉⵔ ⴰⴽⵏⴰⵙ ⵙⴳ ⵢⴰⵜ ⵜⵙⴳⴰ ⵏⵖ ⵜⴰⵢⴹ, ⴰⵢⴰⴷ ⴰⴷ ⵜ ⵜⴼⵔⵓ ⵜⵙⵏⴱⴹⴰⵢⵜ ⵜⴰⵎⵙⵙⵓⴳⵓⵔⵜ ⵏ ⵕⵕⴱⴰⵟ. [ ⴰⴼⵍⵍⴰ ⵏ ⵜⴰⵙⵍⴰ ]
16. ⵉⵙⵏⴼⵍⵏ
ⵜⵉⴼⴰⴷⵉⵡⵉⵏ ⵜⵉⵎⴰⵜⴰⵢⵉⵏ ⴰⴷ ⵖⵉⵢⵏⵜ ⴰⴷ ⵜⵜⵓⴱⴷⵍⵏⵜ ⵙⴳ ⵖⵓⵔ ⵙⵎⴳ ⴰⵣⵎⵣ ⵏⵏⴰ ⵜⵔⴰ, ⵙ ⵓⵎⴰⵜⴰ ⵎⴽ ⵉⵍⵍⴰ ⴽⵔⴰ ⵏ ⵓⵙⵏⴼⵍ ⴰⵜⵉⵇⵏⵉ, ⴰⵣⵔⴼⴰⵏ ⵏⵖ ⵜⵙⵙⴽⵔ ⴽⵔⴰ ⵏ ⵜⵏⴰⴼⵓⵜⵉⵏ ⵜⵉⵎⴰⵢⵏⵓⵜⵉⵏ. ⴰⵏⵎⵢⴰⵔ ⵉⵇⵇⴰⵏ ⵜ ⵉⵏ ⴰⴷ ⵉⵜⵜⴰⴳⴳⴰ ⴽⵓ ⵜⵉⴽⴽⵍⵜ ⵅⴼ ⵜⴼⴰⴷⵉⵡⵉⵏ ⵏ ⵓⵙⵎⵔⵙ ⵇⴱⵍ ⴰⴷ ⵉⵙⵎⵓⵙⵙ ⵉⴷⵔⵉⵎⵏ ⵏⵏⵙ. [ ⴰⴼⵍⵍⴰ ⵏ ⵜⴰⵙⵍⴰ ]