ⵜⴰⵙⴰⵡⵔⵜ ⵏ ⵜⵡⵓⵔⵉ ⵏ ⵓⵎⵛⴰⵡⴰⵕ ⴷ ⵓⵥⵍⴰⵢ ⵏ ⵉⵙⵉⵣⵡⵔⵏ ⵅⴼ ⵜⵓⵜⵔⵉⵡⵉⵏ ⵜⵉⴳⴷⵓⴷⴰⵏⵉⵏ ⵜⵉⵣⴳⵣⴰⵡⵉⵏ ⴳ ⵍⵎⵖⵔⵉⴱ

ⵉⵙⵏⵎⴰⵍⴰ ⵓⵙⴱⴰⵢⵏⵓ ⴰⵎⴰⵜⴰⵢ ⵏ ⵜⴳⵍⴷⵉⵜ, ⵙ ⵓⵙⴷⵓⵙ ⵏ ⵍⴱⴰⵏⴽ ⴰⴳⵔⴰⵖⵍⴰⵏ ⴷ ⵜⵙⵏⵓⵔⴰⵢⵜ ⵜⴰⴼⵕⴰⵏⵙⵉⵙⵜ ⵏ ⵜⴳⵎⵉ, ⵢⴰⵜ ⵜⵙⴰⵡⵔⵜ ⵜⴰⵏⴰⵎⵓⵔⵜ ⵏ ⵜⵡⵓⵔⵉ ⵏ ⵓⵎⵛⴰⵡⴰⵕ ⴷ ⵓⵥⵍⴰⵢ ⵏ ⵉⵙⵉⵣⵡⵔⵏ ⵅⴼ ⵜⵓⵜⵔⵉⵡⵉⵏ ⵜⵉⴳⴷⵓⴷⴰⵏⵉⵏ ⵜⵉⵣⴳⵣⴰⵡⵉⵏ ⴳ ⵍⵎⵖⵔⵉⴱ.

ⵜⵡⴰⵜⵜⵙ ⵜⵙⴰⵡⵔⵜ ⴰⴷ ⵏ ⵜⵡⵓⵔⵉ, ⵏⵏⴰ ⵉⵜⵜⵓⵙⵏⵎⴰⵍⴰⵏ ⴳ 7 ⵎⴰⵕⵚ 2024 ⴳ ⵓⵙⵏⵙⵓ ⵏ "ⴷⴰ ⴼⵢⵓ" ⴳ ⵕⵕⴱⴰⵟ, ⴰⵙⴷⵓⵙ ⵏ ⵓⵙⵉⴷⴼ ⵏ ⵜⵓⵜⵔⵉⵡⵉⵏ ⵜⵉⴳⴷⵓⴷⴰⵏⵉⵏ ⵜⵉⵣⴳⵣⴰⵡⵉⵏ ⴳ ⵓⵎⵏⴰⴹ ⵏ ⵜⴳⵎⵉ ⵜⴰⵙⵓⵍⴰⵏⵜ ⴷ ⵜⵡⵓⵔⵉ ⵜⴰⵎⵏⴳⵉⴳⵜ ⴳ ⵍⵎⵖⵔⵉⴱ.

ⵜⴳⴳⵓⵜ ⵜⵉⵍⵉⵜ ⴳ ⵜⵙⴰⵡⵔⵜ ⴰⴷ ⵏ ⵜⵡⵓⵔⵉ, ⵍⵍⵉⴳ ⴳⵉⵙ ⴷⵔⴰⵏ ⴰⵜⵜⴰⵢⵏ ⵏ 60 ⵏ ⵓⴳⵏⵙⴰⵙ ⵏ ⵜⵏⴱⴰⴹⵉⵏ ⵜⵉⵏⵎⴰⵖⵓⵏⵉⵏ ⴷ ⵢⵉⴳⵔ ⵓⵙⵍⵉⴳ ⴷ ⵡⴰⵎⵓⵏ ⵓⵖⵔⵉⵎ, ⴰⵡⴷ ⵉⵎⴷⵔⴰⵡⵏ ⵉⵜⵉⵇⵏⵉⵢⵏ ⴷ ⵉⵥⵕⴼⴰⵏⵏ ⵏ ⵍⵎⵖⵔⵉⴱ.

ⵜⵓⵊⵊⴰ ⵜⵙⵎⵓⵏⵉ ⴰⴷ ⵢⴰⵏ ⵓⵣⵎⵣⵣⵓ ⵏ ⵓⵎⴹⴰⴽⴰⵕ ⵏ ⵜⵏⵥⴰⵕ ⴷ ⵉⵣⵎⵣⵣⴰ ⴷ ⵉⵎⵏⵉⴷⵏ ⵉⵍⵍⴰⵏ ⵏ ⵜⵓⵜⵔⵉⵡⵉⵏ ⵜⵉⴳⴷⵓⴷⴰⵏⵉⵏ ⵜⵉⵣⴳⵣⴰⵡⵉⵏ ⴳ ⵍⵎⵖⵔⵉⴱ, ⴷ ⵓⵙⵡⵉⵏⴳⵎ ⴳ ⵜⵎⴰⵎⴽⵜ ⵏ ⵓⵥⵍⴰⵢ ⵏ ⵉⵙⵉⵣⵡⵔⵏ ⵏ ⵉⴳⵔⴰⵏ ⵉⵍⴰⵏ ⵉⴹⵉⵚ ⵉⵅⴰⵜⵔⵏ ⵙⴳ ⵜⵏⵉⵍⴰ ⵏ ⵜⵙⵓⵍⵜ.

ⵜⴰⵙⴰⵡⵔⵜ ⵏ ⵜⵡⵓⵔⵉ ⵅⴼ ⵜⵓⵜⵔⵉⵡⵉⵏ ⵜⵉⴳⴷⵓⴷⴰⵏⵉⵏ ⵜⵉⵣⴳⵣⴰⵡⵉⵏ ⴳ ⵍⵎⵖⵔⵉⴱ: ⵜⴰⵎⵙⵙⵉⵍⵉⵜ ⵏ ⵓⵎⵓⵜⵜⵉ ⴰⵙⵜⵔⴰⵜⵉⵊⵉ

ⵉⵙⵏⵎⴰⵍⴰ ⵓⵙⴱⴰⵢⵏⵓ ⴰⵎⴰⵜⴰⵢ ⵏ ⵜⴳⵍⴷⵉⵜ, ⵙ ⵓⴷⵔⴰⵡ ⴰⴽⴷ ⵍⴱⴰⵏⴽ ⴰⴳⵔⴰⵖⵍⴰⵏ ⴷ ⵜⵙⵏⵓⵔⴰⵢⵜ ⵜⴰⴼⵕⴰⵏⵙⵉⵙⵜ ⵏ ⵜⴳⵎⵉ, ⵢⴰⵜ ⵜⵙⴰⵡⵔⵜ ⵏ ⵜⵡⵓⵔⵉ ⵉ ⵓⵙⵏⵄⵜ ⵏ ⵜⵡⵓⵔⵉ ⵏⵏⴰ ⵉⵙⴽⵔ ⵓⵙⴱⴰⵢⵏⵓ ⴰⵎⴰⵜⴰⵢ ⵏ ⵜⴳⵍⴷⵉⵜ ⴳ ⵓⵙⴰⵜⵉ ⵏ ⵓⵖⴰⵡⴰⵙ ⵏ "ⵜⵏⴽⵔⴰ ⵙ ⵜⵓⵜⵔⵉⵡⵉⵏ ⵜⵉⴳⴷⵓⴷⴰⵏⵉⵏ ⵜⵉⵣⴳⵣⴰⵡⵉⵏ" ⴳ ⵜⵙⴳⴰ ⵏ ⵓⵙⵏⵇⵔ ⴰⵏⴰⵎⵎⴰⵙ ⴷ ⵉⵥⵥⵍⵎⴹ ⵏ ⵡⴰⴼⵔⵉⵇⵢⴰ ⴷ ⵓⵖⴰⵡⴰⵙ ⵏ ⵓⵙⴷⵓⵙ ⵏ ⵓⵙⵏⴼⵍ ⵖⵔ ⵜⵎⵙⴰⵙⵜⵍⵜ ⵜⴰⵣⴳⵣⴰⵡⵜ.

ⵜⵓⵊⵊⴰ ⵜⵙⴰⵡⵔⵜ ⵏ ⵜⵡⵓⵔⵉ, ⵏⵏⴰ ⵉⵜⵜⵓⵙⵏⵎⴰⵍⴰⵏ ⴳ 7 ⵎⴰⵢⵢⵓ ⵏ 2024 ⴳ ⵓⵙⵏⵙⵓ ⵏ ⵓⵔⴳⴳⵓⴱ ⵏ ⵃⵙⵙⴰⵏ ⴳ ⵕⵕⴱⴰⵟ, ⴰⵣⵎⵣⵣⵓ ⵏ ⵓⵙⵓⵜⴳ ⵏ ⵜⵓⵜⵔⵉⵡⵉⵏ ⵜⵉⴳⴷⵓⴷⴰⵏⵉⵏ ⵜⵉⵣⴳⵣⴰⵡⵉⵏ ⴳ ⵍⵎⵖⵔⵉⴱ ⴷ ⵓⵙⵏⵄⵜ ⵏ ⵜⵢⴰⴼⵓⵜⵉⵏ ⵏ ⵜⵖⵔⵉ ⵏ ⵓⴳⴰⴷⴰⵣ ⵏ ⵜⵓⵜⵔⵉⵡⵉⵏ ⵜⵉⴳⴷⵓⴷⴰⵏⵉⵏ ⵜⵉⵙⵓⵍⴰⵏⵉⵏ.

ⴰⵡⵙⵏ ⵉⵎⴹⴰⴽⴰⵕⵏ ⴳ ⵓⵙⵡⵓⵜⵜⵙ ⵏ ⵡⴰⵙⵙⴰⵔⵏ ⵓⵛⵛⵉⵍⵏ ⵏ ⵉⴷ ⴱⴰⴱ ⵏ ⵜⵏⴰⴼⵓⵜ ⵙ ⵜⵖⴰⵔⴰⵙⵜ ⵉⵀⵢⵢⴰⵏ ⵃⵎⴰ ⴰⴷ ⵢⵉⵍⵉ ⵓⵙⵔⵓⵙ ⵏ ⵢⴰⵜ ⵜⵙⵜⵔⴰⵜⵉⵊⵉⵜ ⵏ ⵜⵓⵚⴽⴰ ⵏ ⵜⵣⵎⵎⴰⵔ ⴷ ⵓⵙⵡⵓⵜⵜⵙ ⵏ ⵉⴳⵔⴰⵏ ⵃⵎⴰ ⴰⴷ ⵜⵉⵍⵉ ⵜⴳⵎⵉ ⵉⵕⵡⴰⵏ ⵏ ⵜⵓⵜⵔⵉⵡⵉⵏ ⵜⵉⴳⴷⵓⴷⴰⵏⵉⵏ ⵜⵉⵣⴳⵣⴰⵡⵉⵏ ⴳ ⵍⵎⵖⵔⵉⴱ. ⵜⴰⴼⴰ ⴰⴷ ⵉⵎⵎⵔⵙ ⵓⵡⵜⵜⴰⵙ ⴰⴷ, ⵜⵜⵓⵙⵎⵏⵉⴷⵏⵜ ⵜⵓⴳⵜⵜ ⵏ ⵉⵙⵖⵍⴰⴼ ⵉⴷⵙⵍⴰⵏⵏ ⵏ ⵓⵣⵣⴳⵉⵔ ⵏ ⵜⴽⵍⵉⵡⵉⵏ ⵜⵉⵎⴳⴳⵓⵔⴰ ⵏ ⵜⵎⴳⴳⴰ ⵉ ⵓⵙⴷⵓⵙ ⵏ ⵓⴼⵙⴰⵔ ⵏ ⵜⵓⵜⵔⵉⵡⵉⵏ ⵜⵉⴳⴷⵓⴷⴰⵏⵉⵏ ⵜⵉⵣⴳⵣⴰⵡⵉⵏ ⴳ ⵍⵎⵖⵔⵉⴱ ⵙⴳ ⵜⵏⵉⵍⴰ ⵏ ⵉⵎⴷⵔⴰⵡⵏ ⵉⵥⵕⴼⴰⵏⵏ ⴷ ⵉⵜⵉⵇⵏⵉⵢⵏ.

ⵜⴰⵙⴰⵡⵔⵜ ⵏ ⵜⵡⵓⵔⵉ ⵏ ⵓⵙⴼⵔⴽ ⵅⴼ ⵓⵙⴳⴳⴷ ⴰⵎⴰⵢⵏⵓ ⵏ ⵓⵏⴳⵔⴰⵡ ⵏ ⵜⵓⵜⵔⵉⵡⵉⵏ ⵜⵉⴳⴷⵓⴷⴰⵏⵉⵏ

ⴳ ⵓⵙⴰⵜⵉ ⵏ ⵉⵖⴰⵡⴰⵙⵏ ⵏ ⵜⵡⵓⵔⵉ ⵉⵥⵍⵉⵏ ⵙ ⵓⵖⴰⵡⴰⵙ ⵏ ⵓⵙⴷⵓⵙ ⵏ ⵜⵡⵓⵔⵉ ⵏ ⵢⵉⴳⵔ ⴰⵎⴰⵜⴰⵢ "ⵜⵉⵕⵡⵉ" ⴷ ⵓⵖⴰⵡⴰⵙ ⵏ ⵓⵙⴷⵓⵙ ⵏ "ⵜⴷⴰⵎⵙⴰ ⵜⴰⵏⵉⵍⵉⵜ" ⵉⵜⵜⵓⵙⵥⵕⴼⵏ ⵙⴳ ⵜⵏⵉⵍⴰ ⵏ ⵍⴱⴰⵏⴽ ⴰⴳⵔⴰⵖⵍⴰⵏ, ⵉⵙⵏⵎⴰⵍⴰ ⵓⵙⴱⴰⵢⵏⵓ ⴰⵎⴰⵜⴰⵢ ⵏ ⵜⴳⵍⴷⵉⵜ ⵢⴰⵜ ⵜⵙⴰⵡⵔⵜ ⵏ ⵜⵡⵓⵔⵉ ⵏ ⵓⵎⵎⵙⴽⴰⵍ ⵏ ⵜⴰⵏⵏⴰⵢⵉⵏ ⴷ ⵓⵙⴼⵔⴽ ⵉⵥⵍⵉⵏ ⵙ ⵓⵙⴳⴳⴷ ⴰⵎⴰⵢⵏⵓ ⵏ ⵜⵏⵎⴰⵇⵇⴰⵙⵉⵏ ⵜⵉⴳⴷⵓⴷⴰⵏⵉⵏ.

ⵍⵍⴰⵏ ⴳ ⵜⵙⴰⵡⵔⵜ ⵏ ⵜⵡⵓⵔⵉ, ⵏⵏⴰ ⵉⵜⵜⵓⵙⵏⵎⴰⵍⴰⵏ ⴳ 4 ⵢⵓⵍⵢⵓⵣ 2024 ⴳ ⵜⵎⴰⵡⴰⵙⵜ ⵏ ⵜⴷⴰⵎⵙⴰ ⴷ ⵓⵥⵕⴼ, ⵉⴳⵏⵙⴰⵙⵏ ⵏ ⵇⴰⵃ ⵜⵉⵎⵙⵙⵓⴳⴰⵔ ⵜⵓⵏⴱⵉⴹⵉⵏ ⵜⵉⵎⵖⵔⴰⴱⵉⵢⵉⵏ ⵉⵥⵍⵉⵏ ⵙ ⵓⵣⵣⴳⵉⵔ ⵏ ⵉⵖⴰⵡⴰⵙⵏ ⴰⴷ.

ⵡⴰⵜⵜⵙⵏ ⵉⵎⵓⵙⵙⵓⵜⵏ ⵏ ⵡⴰⵙⵙ ⴰⴷ ⵜⴰⴷⵔⴰⵡⵜ ⵏ ⵉⵙⵡⴰⵍⴰⵜⵏ ⵉⴷⵙⵍⴰⵏⵏ ⵏ ⵓⵙⴳⴳⴷ ⴷ ⵉⵙⵏⵜⴰⵢ ⵉⵎⵢⴰⵏⴰⵡⵏ ⵏⵏⴰ ⵖⴰ ⵉⵎⵓⵏⵏ ⴷ ⵓⵣⵣⴳⵉⵔ ⵏⵏⵙ.