ⴳⴰⵏ ⵉⵙⴳⴳⴷⵏ ⵏⵏⴰ ⵉⵙⴽⵔ ⵓⵙⴱⴰⵢⵏⵓ ⴰⵎⴰⵜⴰⵢ ⵏ ⵜⴳⵍⴷⵉⵜ ⴳ ⵢⵉⴳⵔ ⵏ ⵓⵙⵓⴼⵖ ⵏ ⵜⵓⵜⵔⵉⵡⵉⵏ ⵜⵉⴳⴷⵓⴷⴰⵏⵉⵏ ⵙⴳ ⵓⴷⵔⵉⵣ ⴰⴽⵎⴰⵎ, ⴰⵎⵎⴰⵙ ⵏ ⵉⵎⴹⴰⴽⴰⵕⵏ ⴳ ⵓⵔⵣⴰⴼ ⵏ ⵢⴰⵏ ⵓⴽⴰⴱⴰⵕ ⵙⴳ ⵜⵎⴰⵡⴰⵙⵜ ⵏ ⵜⴷⴰⵎⵙⴰ ⴷ ⵓⵥⵕⴼ ⴷ ⵓⵙⵏⵉⵎⴰⵍ ⵏ ⴱⵓⵔⴽⵉⵏⴰ ⴼⴰⵚⵓ.

ⵉⵙⵏⵓⴱⴳ ⵓⵙⴱⴰⵢⵏⵓ ⴰⵎⴰⵜⴰⵢ ⵏ ⵜⴳⵍⴷⵉⵜ ⴳ ⵓⵙⵖⵉⵎ ⵏⵏⵙ, ⵙⴳ ⵡⴰⵙⵙ ⵏ 24 ⵢⵓⵏⵢⵓ ⴰⵔ 1 ⵢⵓⵍⵢⵓⵣ 2024, ⵢⴰⵏ ⵓⴽⴰⴱⴰⵕ ⵙⴳ ⵜⵎⴰⵡⴰⵙⵜ ⵏ ⵜⴷⴰⵎⵙⴰ ⴷ ⵓⵥⵕⴼ ⴷ ⵓⵙⵏⵉⵎⴰⵍ ⵏ ⴱⵓⵔⴽⵉⵏⴰ ⴼⴰⵚⵓ.

ⴰⵢⵏⵏⴰ ⵉⵜⵜⴰⵊⵊⴰⵏ ⵉⴳⵎⴰⵎⵏ ⵏ ⵓⴽⴰⴱⴰⵕ ⴰⴷ ⴰⴽⵣⵏ ⵜⴰⵔⵎⵉⵜ ⵜⴰⵎⵖⵔⴰⴱⵉⵜ ⴳ ⵢⵉⴳⵔ ⵏ ⵜⵏⵎⴰⵇⵇⴰⵙⵉⵏ ⵜⵉⴳⴷⵓⴷⴰⵏⵉⵏ ⵙ ⵜⵖⴰⵔⴰⵙⵜ ⵏ ⵉⴼⵙⴰⵔⵏ ⵉⵥⵍⵉⵏ ⵙ:

• ⴰⵙⴳⴳⴷ ⴰⵎⴰⵢⵏⵓ ⵏ ⵜⵓⵜⵔⵉⵡⵉⵏ ⵜⵉⵎⴰⵜⴰⵢⵉⵏ: ⵜⵉⴱⵣⴰⵔⵉⵏ ⵜⵉⴷⵙⵍⴰⵏⵉⵏ.
• ⴰⵙⵡⵓⴷⴷⵓ ⵏ ⵉⴳⴰⴷⴰⵣⵏ ⵉⵎⴰⵜⴰⵢⵏ.
• ⵜⵉⴽⴽⵉ ⵏ ⵓⴷⵔⵉⵣ ⴰⴽⵎⴰⵎ ⵉ ⵜⵓⵜⵔⵉⵡⵉⵏ ⵜⵉⵎⴰⵜⴰⵢⵉⵏ: • ⵜⴰⴳⴳⵓⵔⵜ ⵏ ⵜⵓⵜⵔⵉⵡⵉⵏ ⵜⵉⵎⴰⵜⴰⵢⵉⵏ.
• ⴰⵏⴳⵔⴰⵡ ⵉⵎⵙⴰⵙⴰⵏ ⵏ ⵡⵓⵎⵍⴰⵏ ⵏ ⵓⵙⵡⵓⴷⴷⵓ ⵏ ⵜⵎⵇⵕⴰⴹ (GID).
• ⵜⵉⴽⴽⵉ ⵏ ⵓⴷⵔⵉⵣ ⴰⴽⵎⴰⵎ ⵉ ⵓⵙⴷⴷⵉ ⴰⵥⵕⴼⴰⵏ ⴷ ⵓⵎⵙⵉⴹⵏ: ⵜⴰⴷⴰⴱⵓⵜ ⵏ ⵉⵎⵉⴹⴰⵏⵏ ⵏ ⵜⵏⵓⴼⴰ ⵏ ⵓⵡⴰⵏⴽ (CSE);
• ⵜⴰⵏⴼⵔⵓⵜ ⵏ ⵉⵏⴳⵔⴰⵡⵏ ⵏ ⵡⵓⵎⵍⴰⵏ ⵉⵥⵍⵉⵏ ⵙ ⵓⵙⴱⴰⵢⵏⵓ ⴰⵎⴰⵜⴰⵢ ⵏ ⵜⴳⵍⴷⵉⵜ TGR

ⴳ ⵓⵎⴰⴳⵔ ⴰⴷ, ⵔⵣⴼⵏ ⵉⴳⵎⴰⵎⵏ ⵏ ⵓⴽⴰⴱⴰⵕ ⵙ ⵡⴰⵎⵎⴰⵙ ⵏ ⵜⵎⵓⵛⴰ ⴳ ⵓⵙⴱⴰⵢⵏⵓ ⴰⵎⴰⵜⴰⵢ ⵏ ⵜⴳⵍⴷⵉⵜ, ⴷⴰⵢ ⵢⵉⵍⵉ ⵓⵙⵎⵏⵉⴷ ⵏ ⵡⴰⵎⵎⴰⴽⵏ ⵉⵜⵜⵓⵙⵎⵔⵙⵏ ⴳ ⵜⵖⵡⴰ ⴷ ⵓⵎⵎⵙⴽⴰⵍ ⵏ ⵜⵎⵓⵛⴰ ⴰⵡⴷ ⴰⵏⴳⵔⴰⵡ ⵏ ⵓⵙⵉⵚⵎⴹ ⴷ ⵓⵏⴳⵔⴰⵡ ⵏ ⵜⵏⴼⵔⵓⵜ.

ⴳ ⵜⴳⵉⵔⴰ ⵏ ⵓⵔⵣⴰⴼ ⴰⴷ, ⵓⵍⵖⵏ ⵉⴳⵎⴰⵎⵏ ⵏ ⵓⴽⴰⴱⴰⵕ ⴰ ⵜⵓⵎⴰⵢⵜ ⵏ ⵉⵎⵎⵙⴽⴰⵍⵏ ⴷ ⵜⴱⵖⵓⵔⵜ ⵏ ⵉⵎⴹⴰⴽⴰⵕⵏ. ⵙⴳ ⵜⵏⵉⵍⴰ ⵏⵏⵙⵏ, ⵙⴷⴷⵉⴷⵏ ⴷⴰⵖ ⵉⴳⵏⵙⴰⵙⵏ ⵏ ⵓⵙⴱⴰⵢⵏⵓ ⴰⵎⴰⵜⴰⵢ ⵏ ⵜⴳⵍⴷⵉⵜ ⴰⴷⴳⵉ ⵏⵏⵙⵏ ⵙ ⵜⵎⵖⵔⵜ ⵏ ⵓⵎⵎⵙⴽⴰⵍ ⵏ ⵜⵎⵙⴽⴰⵔ ⵉⵖⵓⴷⴰⵏ ⴳ ⵓⵙⴰⵜⵉ ⵏ ⵓⵎⴰⵢⴰⵡⵙ ⵏⴳⵔ ⵉⵡⴰⵏⴽⵏ ⵏ ⵢⵉⴼⴼⵓⵙ.