ⴰⵙⵏⵙⵉ ⵓⵏⵎⵉⵔ ⵏ ⵜⵎⴰⵡⴰⵙⵜ ⵜⴰⵏⴰⵎⵓⵔⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ
ⵏⵥⵓ ⴳ ⵜⵥⵖⵓⵔⵜ ⵏ ⵜⵏⵜⴰⵎⵉⵏ ⵏ ⵓⵙⴱⴰⵢⵏⵓ ⴰⵎⴰⵜⵢ ⵏ ⵜⴳⵍⴷⵉⵜ ⴷ ⵥⵕⴳ ⵉⵙⵍⴽⵉⵏⵏ ⵙ ⵜⴰⵍⵖⴰ ⵜⵉⵍⵉⴽⵟⵕⵓⵏⵉⵜ. ⵜⴰⵥⵖⵓⵔⵜ ⵏ ⵜⵏⵜⴰⵎⵉⵏ ⴰⴷ ⴷⴰ ⵜⵜⵓⵏⵥⴰ ⵙ ⵢⵉⴳⵎ ⵏ ⵢⴰⵜ ⵜⵙⵏⵖⵍⵜ ⵙ ⵜⵖⴰⵔⴰⵙⵜ ⵏ ⵓⵙⵡⵍⴼ ⵏ ⵉⵏⵉⴳⵍ ⵇⵔ ⵉⵍⵍⴰⵏ ⵉⵣⴷⴰⵔ ⵏ ⵜⵡⵔⵉⵇⵜ ⵙ ⵜⵉⵍⵉⴼⵓⵏ ⵏⵖ ⵙ ⵜⵖⴰⵔⴰⵙⵜ ⵏ ⵜⵉⵔⵔⴰ ⵏ ⵉⵏⵉⴳⵍ ⵏ ⵜⵎⵏⵥⵉⵜ. ⵜⴳⵉⴷ ⴰⵎⵙⵙⴰⵖ ⴰⴳⴷⵓⴷⴰⵏ, ⵙⵙⴱⵖⵔ ⵙ ⵜⵏⴰⴼⵓⵜⵉⵏ ⵜⵉⵍⵉⴽⵟⵕⵓⵏⵉⵏ ⴰⴷ : • ⵜⴰⵥⵕⵉⴳⵜ ⵏ ⵉⵏⵖⵎⵉⵙⵏ ⴳ ⵜⵡⵡⵓⵔⵜ : ⴰⵙⵥⵕⴳ ⵏ ⵉⵖⴰⵡⴰⵙⵏ ⵉⵙⵏⵉⵎⴰⵍⵏ ⵏ ⵜⵎⵙⵓⵖⵉⵏ, ⵉⵏⵖⵎⵉⵙⵏ ⵅⴼ ⵜⵓⵜⵔⴰ ⵏ ⵉⵙⴽⴰⵏⵏ ⴷ ⵉⵙⴷⴰⵡⵏ ⵏ ⵜⵓⵜⵔⵉⵡⵉⵏ ⵏ ⵉⵙⴽⴰⵏⵏ, ⵜⵎⵙⵙⵓⵔⵉⵏ ⵉⵜⵜⵓⵢⴰⴽⴽⵙⵏ ⴳ ⵓⴷⵔⴰⵡ ⵏ ⵉⴳⴰⴷⴰⵣⵏ ⵉⴳⴷⵓⴷⴰⵏⵏ ⴷ ⵜⵏⵖⵔⵓⴼⵜ ⵏ ⵜⴰⵏⴰⴹⵉⵏ ⵏ ⵜⵏⵎⴰⵜⵔⵜ. • ⴰⵙⵉⴹⵏ ⵉⵍⵉⴽⵟⵕⵓⵏⵉ : ⵙⵙⵉⴹⵏ ⵙ ⵜⵖⴰⵔⴰⵙⵜ ⵜⵉⵍⵉⴽⵟⵕⵓⵏⵉⵜ ⵉⵙⴽⴰⵏⵏ ⵏⵏⴰ ⵢⵉⵡⴹⵏ ⵖⵔ ⵜⵡⵡⵓⵔⵜ ⵏ ⵉⴳⴰⴷⴰⵣⵏ ⵉⴳⴷⵓⴷⴰⵏⵏ. • ⵜⴰⵙⵉⵍⴰ ⵏ ⵉⵙⴼⴽⴰ ⵏ ⵉⵙⴷⴰⵡⵏ ⵏ ⵉⵙⵎⵉⵜⵜⵉⵔⵏ ⵏ ⵜⵎⵙⵙⵓⵔⵉⵏ : ⴰⴳⵎⴰⵜ ⵉⵙⴷⴰⵡⵏ ⴰⴽⴽⵯ ⵏ ⵉⵙⵎⵉⵜⵜⵉⵔⵏ ⵏ ⵜⵎⵙⵙⵓⵔⵉⵏ ⵏⵏⴰ ⵥⵕⴳⵏ ⵉⵎⴰⵙⵙⴰⵖⵏ ⵉⴳⴷⵓⴷⴰⵏⵏ ⵏ ⵜⴳⵍⴷⵉⵜ. • ⵉⴷⵍⵍⵉⵍⵏ ⵉⵍⵉⴽⵟⵕⵓⵏⵉⵢⵏ ⵉⵎⵣⴰⵔⴰⵢⵏ :ⵙⵙⴽⵔⴰⵜ ⵉⴷⵍⵍⵉⵍⵏ ⵉⵍⵉⴽⵟⵕⵓⵏⵉⵢⵏ ⵉⵎⵣⴰⵔⴰⵢⵏ ⴰⴼⴰⴷ ⴰⴷ ⵜⵙⵖⵎ ⵉⵎⵜⵜⵉⵡⵏ ⵏⵏⴰ ⵜⵔⴰⵎ. • ⴰⴽⴽⴰⵢ ⴰⵙⵍⴳⴰⵏ : ⵥⵕⴰⵜ ⵉⴹⵕⵉⵙⵏ ⴰⴽⴽⵯ ⵏ ⵓⵙⵍⴳⵏ ⵉⵣⴷⵉⵏ ⴷ ⵉⴳⴰⴷⴰⵣⵏ ⵉⴳⴷⵓⴷⴰⵏⵏ. ⵜⴳⵉⴷ ⴰⵎⴰⵙⴰⵢ ⵏ ⵉⵙⴰⴳⵎⵏ ⵉⵏⴼⴳⴰⵏⵏ ⵏ ⵢⴰⵜ ⵜⵣⵓⵏⵉ ⵜⴰⵎⴰⵡⴰⵙⵜ ⵏⵖ ⵏ ⵢⴰⵜ ⵜⵎⵔⵙⵍⵜ ⵜⴰⴳⴷⵓⴷⴰⵏⵜ, ⵙⵙⴱⵖⵔ ⵉ ⵓⵎⵉⴹⴰⵏ ⵏ ⵉⵎⵙⴽⴰⵔⵏ ⴷ ⵉⵎⵙⵖⴰⵏⵏ ⵉⵍⵍⴰⵏ ⴳ ⵓⵙⵙⵓⴷⵓ ⵏⵏⴽ, ⵙ ⵜⵉⵍⵉ-ⵜⵉⵏⴰⴼⵓⵜⵉⵏ ⴰⴷ : • ⵜⴰⵥⵕⵉⴳⵜ ⵏ ⵓⵙⵍⴽⵉⵏ ⵏ ⵜⵖⵕⴰⴹ ; • ⵜⴰⵥⵕⵉⴳⵜ ⵏ ⵜⵏⴼⵓⵍⵉⵏ ⵏ ⵓⴼⴼⵔⵓ ; • ⵜⴰⵥⵕⵉⴳⵜ ⵏ ⵓⵙⵍⴽⵉⵏ ⵏ ⵓⵔⴳⴰⵢ ⵅⴼ ⵓⵙⴱⵓⵖⵔ ; • ⵜⴰⵥⵕⵉⴳⵜ ⵏ ⵓⵙⵍⴽⵉⵏ ⵏ ⵜⵎⴷⵔⴰⵢⵜ ⴳ ⵜⵎⵢⴰⵡⴰⵙⵉⵏ ; • ⵜⴰⵥⵕⵉⴳⵜ ⵏ ⵓⵙⵍⴽⵉⵏ ⵏ ⵓⵙⵙⴽⵔ ⵏ ⵜⵏⴰⴼⵓⵜⵉⵏ ⵉⵣⵔⵉⵏ ; • ⵜⴰⵥⵕⵉⴳⵜ ⵏ ⵓⵙⵍⴽⵉⵏ ⵏ ⵢⵉⵎⵥ ⵏ ⵢⵉⵡⵙ ⵏ ⵜⴰⵡⵊⴰ ; • ⵜⴰⵥⵕⵉⴳⵜ ⵏ ⵓⵙⵍⴽⵉⵏ ⵏ ⵓⵙⴱⴷⴷ ⵏ ⵜⵉⵖⵔⴰⴹ. |