1-  ⴰⴼⵔⵔⵓ ⵏ ⵉⴹⴼⴰⵕⵏ ⵉⴳⴷⵓⴷⴰⵏⵏ

ⴰⴼⵔⵔⵓ ⵏ ⵉⴹⴼⴰⵕⵏ ⵉⴳⴷⵓⴷⴰⵏⵏ ⵉⴳⴰ ⵢⴰⵜ ⴳ ⵜⵙⵎⵉⴳⴰⵍ ⵏ ⵓⵙⴱⴰⵢⵏⵓ ⴰⵎⴰⵜⴰⵢ ⵏ ⵜⴳⵍⴷⵉⵜ. ⵔⵏⵓ ⵉ ⵢⵉⵎⵥ ⵏ ⵜⵏⵓⴷⴰⴼ ⵏ ⵉⴷⵔⵉⵎⵏ ⵓⵔ ⵉⴳⵉⵏ ⵉⵔⴳⴰⵢⵏ (ⵜⵉⵙⵢⴰⴼⵓⵜⵉⵏ ⵏ ⵢⵉⴳⵔⴰⵏ, ⵉⵣⵎⴰⵣ, ⴰⵏⴽⴰⴹⵏ, ⵉⵔⴳⴰⵢⵏ ⴷ ⵜⵉⵖⵔⴰⴹ ⵅⴼ ⵜⵏⴰⴼⵓⵜⵉⵏ ⵉⵜⵜⵓⵙⴽⵔⵏ ⵉⵣⴷⵉⵏ ⴷ ⵜⵎⵙⴰⵙⵜⵍⵜ ⵜⴰⵎⴰⵜⴰⵢⵜ, ⴷ ⵙⴻⴳⵎⴰ ⴷ ⵉⵎⵉⴹⴰⵏⵏ ⵉⵥⵍⵉⵏ ⵏ ⵓⵙⴱⴰⵢⵏⵓ), ⴰⵅⵍⵍⵚ ⵉⵜⵜⵓⵙⴽⴰⵔⵏ ⵙ ⵜⵖⴰⵔⴰⵙⵜ ⵏ ⵓⵥⵟⵟⴰ ⵏ ⵉⵎⵙⵉⴹⵏⵏ ⵉⴳⴷⵓⴷⴰⵏⵏ ⵏ ⵓⵙⴱⴰⵢⵏⵓ ⴰⵎⴰⵜⴰⵢ ⵏ ⵜⴳⵍⴷⵉⵜ ⵉⴳⴰ ⴷⵉⵖ ⵅⴼ ⵉⵔⴳⴰⵢⵏ ⵏ ⵜⴳⵔⴰⵡⵉⵏ ⵜⵉⴳⴷⵓⴷⴰⵏⵉⵏ ⵙ ⵓⵎⴰⵜⴰ ⴰⵔⴳⴰⵢ ⴰⵣⵣⵓⵍⴰⵏ (ⴰⵔⴳⴰⵢ ⴱⴰⵟⵓⵏⵟ ⵣⵡⴰⵔ), ⴰⵔⴳⴰⵢ ⵅⴼ ⵓⵣⴷⴷⵓⵖ (ⴰⵔⴳⴰⵢ ⴰⵖⵔⵎⴰⵏ ⵣⵡⴰⵔ) ⴷ ⵓⵔⴳⴰⵢ ⵅⴼ ⵜⵏⴰⴼⵓⵜⵉⵏ ⵏ ⵜⴳⵔⴰⵡⵉⵏ (ⴰⵔⴳⴰⵢ ⵏ ⵜⵏⴱⴹⴰⵢⵜ ⵣⵡⴰⵔ).

ⴰⵙⴱⴰⵢⵏⵓ ⴰⵎⴰⵜⴰⵢ ⵏ ⵜⴳⵍⴷⵉⵜ ⴷⴰ ⵉⵙⵡⵓⴷⴷⵓ ⴰⴼⵔⵔⵓ ⵏ ⵉⵔⴳⴰⵢⵏ ⵉⵏⵥⵕⴰⴼⵏ ⵉ ⴽⵔⴰ ⵏ ⵜⵎⵙⴷⵓⵙⵉⵏ ⵜⵉⴳⴷⵓⴷⴰⵏⵉⵏ. ⴰⵢⴰ ⵉⴳⴰ ⵢⴰⵜ ⵜⵏⴰⴼⵓⵜ ⴷ ⵢⵓⵙⴰⵏ ⴷⴼⴼⵉⵔ ⵢⴰⵏ ⵓⵎⵇⵇⵓⵏ ⴳⵔ ⵓⵙⴱⴰⵢⵏⵓ ⴰⵎⴰⵜⴰⵢ ⵏ ⵜⴳⵍⴷⵉⵜ ⴷ ⵓⴳⵎⴰⵎ ⴰⴳⴷⵓⴷⴰⵏ ⴰⴷ.

ⴰⵙⴱⴰⵢⵏⵓ ⴰⵎⴰⵜⴰⵢ ⵏ ⵜⴳⵍⴷⵉⵜ ⵙ ⵓⴱⵔⵉⴷ ⵏ ⵓⵥⵟⵟⴰ ⵏⵏⵙ ⴰⵅⴰⵜⴰⵔ ⵏ ⵉⵎⵙⵙⵉⴹⵏⵏ ⵉⴳⴷⵓⴷⴰⵏⵏ, ⴰⴼⵔⵔⵓ ⵏ ⵉⵔⴳⴰⵢⵏ ⵉⵥⵕⴼⴰⵏⵏ ⴷ ⴰⵔⵉⵥⵔⴼⴰⵏⵏ ⵙ ⵉⵎⵥⵍⵉ :

• ⵜⴰⵖⴹⴼⵜ ⵉ ⵉⵙⵓⵜⵔⵏ ⵏ ⵜⵏⵓⴷⴰⴼ ⵏ ⵜⵎⵙⴰⵙⵜⵍⵜ ⵜⴰⵎⴰⵜⴰⵢⵜ ⵏ ⵓⵡⴰⵏⴽ, ⵉⵎⵙⵉⴹⵏⵏ ⵉⵥⵍⵉⵏ ⵏ ⵓⵙⴱⴰⵢⵏⵓ ⴷ ⵜⵏⴰⴼⵓⵜⵉⵏ ⵉⵜⵜⵓⵙⵡⵓⴷⴷⵓⵏ ⵙ ⵢⵉⵎⴰⵏ ⵏⵏⵙⵏⵜ ;
• ⵜⵉⵏⵏⵓⵎⵙⴰ ⵏ ⵢⵉⵙⵉ ⵏ ⵡⴰⴳⴳⵯⴰⵜⵏ ⴷ ⵉⵅⵍⵍⵉⵚⵏ ⵏ ⵉⵣⵎⴰⵣ ⴷ ⵉⵏⴽⴰⴹⵏ ;
• ⴰⵙⵡⵓⴷⴷⵓ ⵏ ⵉⵎⵉⴹⴰⵏⵏ ⵏ ⵓⵕⵟⵟⴰⵍ ⴷ ⵓⵙⵙⵣⵡⵓⵔ ⵏⵏⴰ ⴷⴰ ⵢⵉⴽⴽⵉ ⵓⵙⴱⴰⵢⵏⵓ ⴷ « ⵉⴷⴰⵙⵉⵍⵏ ⵏ ⵜⵡⴰⵍⴰ » ⵅⴼ ⵎⵙⴰⵙⴰⵏ ⵉⴳⵎⴰⵎⵏ ⵏ ⵜⵙⵙⵥⵕⴼ ⵏ ⵉⵙⵏⵜⵉⵢⵏ ⵉⴳⴷⵓⴷⴰⵏⵏ ;
• ⴰⵙⵏⵓⵍⴼⵓ ⵏ ⵉⵙⵏⵎⴽⵜⴰⵢⵏ ⵉⵣⴷⵉⵏ ⴷ ⵡⴰⴷⴷⴰⴷ ⵏ ⵓⴼⵔⵔⵓ ⵏ ⵉⵔⴳⴰⵢⵏ ⵉⴳⴷⵓⴷⴰⵏⵏ ;

• ⴰⵙⵡⵓⴷⴷⵓ ⵏ ⵓⵎⵙⴰⵙⴰ ⴰⵎⵙⵙⵓⴳⴰⵔ ⴷ ⵓⵏⵣⵔⴰⴼ ⵉⵣⴷⵉⵏ ⴷ ⵓⴼⵔⵔⵓ ⴷ ⵢⵉⵡⵙ ⵏ ⵡⵉⵏⵏⴰ ⵉⵜⵜⴰⵎⵥⵏ ⵉⵔⴳⴰⵢⵏ.

ⵜⵉⵍⴰⵍⵜ ⵏ ⵓⵙⴱⴰⵢⵏⵓ ⴰⵎⴰⵜⴰⵢ ⵏ ⵜⴳⵍⴷⵉⵜ ⴳ ⵢⵉⴳⵔ ⵏ ⵉⵔⴳⴰⵢⵏ ⵓⵔ ⵉⴱⵉⴷⴷ ⵖⴰⵙ ⴳ ⵓⴼⵔⵔⵓ ⵏ ⵜⵏⵓⴷⴰⴼ, ⵎⴰⵛⴰ ⴰⵡⴷ ⵜⵓⴽⴽⵉ ⵏ ⵉⵙⵍⴽⵉⵏⵏ ⵉⵎⵙⵙⵓⴳⵓⵔⵏ ⵙ ⵓⵢⵏⵏⴰ ⵉⵍⵍⴰⵏ ⴳ ⵓⵣⵣⵔⴰⴼ (ⴰⵙⵍⴽⵉⵏ ⵏ ⵓⴼⵔⵔⵓ ⵏ ⵉⵔⴳⴰⵢⵏ ⵉⵣⴷⵉⵏ ⴷ ⵜⵓⵚⴽⵉⵡⵉⵏ, ⵉⵙⵍⴽⵉⵏⵏ ⵉⵥⵕⴼⴰⵏⵏ ⵉⵣⴷⵉⵏ ⴷ ⵓⵙⴰⵍⴰ ⵏ ⴰⴷⵙⵍ ⵏ ⵓⵙⵖⵏⵣⵉ, ⵉⵔⴳⴰⵢⵏ ⵏ ⵜⵉⵍⵍⵓⴳⵏⴰ ⵜⴰⵥⵕⴼⴰⵏⵜ ⵉ ⵉⵎⵙⵙⵓⵜⵓⵔⵏ ⵏ ⵉⴳⴰⴷⴰⵣⵏ ⵉⴳⴷⵓⴷⴰⵏⵏ…).

ⴳ ⵓⵙⵡⵓⵔⵉ ⵏ ⵜⵙⵎⵉⴳⴰⵍ ⵏⵏⵙ, ⴰⵙⴱⴰⵢⵏⵓ ⴰⵎⴰⵜⴰⵢ ⵏ ⵜⴳⵍⴷⵉⵜ ⴷⴰ ⵢⵜⵜⴰⴳⴳⴰ ⵅⴼ ⵓⵙⵣⵡⵔ ⵏ ⵓⵎⵢⴰⵙⵙⴰ ⵏ ⵜⵖⴰⵔⴰ ⴷ ⵉⵎⵢⴰⵡⴰⵙⵏ ⵙ ⵉⵎⵥⵍⵉ ⴷ ⵉⵏⵎⵓⵔⵉⵢⵏ ⴰⴽⴽⵯ ⵙ ⵓⵎⴰⵜⴰ. ⴰⵙⴱⴰⵢⵏⵓ ⴰⵎⴰⵜⴰⵢ ⵏ ⵜⴳⵍⴷⵉⵜ ⵉⴼⴽⴰ ⴷⵉⵖ ⵉ ⵉⵎⴰⵡⴰⵙⵏ ⵉⵙⵓⵔⴰ ⵏ ⵓⴼⵔⵔⵓ ⴰⵔ ⵉⵜⵜⴰⵏⵏⴰⵢ ⵙ ⵓⵖⵉⵡⵍ ⴳ ⵜⵏⵓⵔⵣⵉⵜⵉⵏ ⵏⵏⵙⵏ.

2- ⵜⵉⴹⴰⴼ ⴷ ⵓⴼⵔⵔⵓ ⵏ ⵜⵎⵇⵔⴰⴹ ⵜⵉⴳⴷⵓⴷⴰⵏⵉⵏ

ⴰⵙⴱⴰⵢⵏⵓ ⴰⵎⴰⵜⴰⵢ ⵏ ⵜⴳⵍⴷⵉⵜ ⴷⴰ ⵉⵜⵜⴰⴳⴳⴰ ⵅⴼ ⵜⵉⴹⴰⴼ ⴷ ⵓⴼⵔⵔⵓ ⵏ ⵜⵎⵇⵔⴰⴹ ⵜⵉⴳⴷⵓⴷⴰⵏⵉⵏ. ⵙ ⵓⵢⴰ, ⴰⵥⵟⵟⴰ ⵏ ⵓⵙⴱⴰⵢⵏⵓ ⴰⵎⴰⵜⴰⵢ ⵏ ⵜⴳⵍⴷⵉⵜ ⵢⵓⵙⵉ ⴰⴳⴳⵯⴰ ⵏ ⴰⴷ ⵢⴰⴹⴼ ⵅⴼ ⵜⵉⵍⵍⵓⴳⵏⴰ ⵏ ⵉⵙⵏⵉⴼⵉⵍⵏ ⵏ ⵜⵎⵇⵔⴰⴹ ⴰⴽⴽⵯ ⵏ ⵓⵡⴰⵏⴽ. ⴷⴰ ⵜⵜⴹⵎⴰⵏ ⵙ ⵓⵥⵟⵟⴰ ⵏ ⵉⵎⵙⵙⵉⴹⵏⵏ, ⴰⴼⵔⵔⵓ ⵏ ⵜⵎⵇⵔⴰⴹ. ⵙ ⵜⴰⵏⵏⴰⵢⵜ ⵏ ⵉⵙⵓⵎⴰⵔ ⵏ ⵜⵎⵔⵉⵙⵜ ⴷ ⵢⵉⵏⴹ ⵏ ⵓⴼⵔⵔⵓ ⵉⵜⵜⵓⵢⴰⵣⵏⵏ ⵙⴳ ⵖⵓⵔ ⵉⵎⵏⵉⴹⵏ, ⵜⵉⵏⴰⴼⵓⵜⵉⵏ ⵏ ⵓⵙⴱⴰⵢⵏⵓ ⴰⵎⴰⵜⴰⵢ ⵏ ⵜⴳⵍⴷⵉⵜ ⴷⴰ ⵜⵙⵡⵓⵔⵉ ⴰⴼⵔⵔⵓ ⵏ ⵉⵔⴳⴰⵢⵏ ⵏ ⵓⵡⴰⵏⴽ.

ⴰⵙⴱⴰⵢⵏⵓ ⴰⵎⴰⵜⴰⵢ ⵏ ⵜⴳⵍⴷⵉⵜ ⴷⴰ ⵉⵜⵜⴹⵎⴰⵏ ⵙ ⵓⴱⵔⵉⴷ ⵏ ⵜⵎⵀⵍⴰ ⵏ ⵜⵎⵇⵔⴰⴹ ⵏ ⵉⵎⵙⵓⵔⴰ, ⴰⴹⴰⴼ ⵅⴼ ⵜⵖⵔⴰⴹ ⵏ ⵓⴳⴰⵔ ⵏ 750 190 ⵏ ⵉⵎⵙⵖⴰⵏⵏ.

(ⵜⴰⵖⴹⴼⵜ ⵏⵏⵓⵏ ⴷⴰ ⵜⵜⵓⴼⴰⴼⴰ ⴰⴷⴷⴰⵢ ⵜⵓⵡⴹ ⵜⵉⵔⵎⵜ ⵏ ⵓⵅⵍⵍⵚ ⴷ ⵉⴱⵖⵓⵔⵏ ⵏ ⵜⵉⵔⵎⵜ ⴷⴰ ⵜⵜⵓⵙⵡⵓⵔⵉⵏ ⵙ ⵓⵙⵍⴳⵏ ⵓⵟⵟⵓⵏ 2-16-344 ⵏ 22 ⵢⵓⵍⵢⵓⵣ 2016).

3- ⴰⵙⵡⵓⴷⴷⵓ ⵏ ⵉⵥⵕⴼⵏ ⵉⴷⵖⵔⴰⵏⵏ

ⵙ ⵓⴱⵔⵉⴷ ⵏ ⵓⵥⵟⵟⴰ ⵏ ⵉⵙⴱⴰⵢⵏⵓⵜⵏ ⴷ ⵉⵎⴹⵓⴼⵏ ⴷ ⵡⵉⵏⵏⴰ ⵉⵜⵜⴰⵎⵥⵏ ⵉⵔⴳⴰⵢⵏ ⴳ ⵜⴳⵔⴰⵡⵉⵏ, ⴰⵙⴱⴰⵢⵏⵓ ⴰⵎⴰⵜⴰⵢ ⵏ ⵜⴳⵍⴷⵉⵜ ⴷⴰ ⵉⵙⵡⵓⴷⴷⵓ ⵏ ⵜⵎⵙⴰⵙⵜⵍⵉⵏ ⵏ 1590 ⵏ ⵜⴳⵔⴰⵡⵉⵏ ⵜⵉⵎⵓⵔⴰⵏⵉⵏ (12 ⵏ ⵜⵎⵏⴰⴹⵉⵏ, 75 ⵏ ⵜⵎⵏⴱⴰⴹⵉⵏ ⴷ ⵜⵙⴳⴳⵯⵉⵏ ⴷ 1503 ⵏ ⵜⴳⵔⴰⵡⵉⵏ), ⵏ 86 ⵏ ⵉⴳⵔⴰⵡⵏ ⴷ 41 ⵏ ⵜⵙⵓⵏⴰⴹ. ⴰⵙⴱⴰⵢⵏⵓ ⴰⵎⴰⵜⴰⵢ ⵏ ⵜⴳⵍⴷⵉⵜ  ⴷⴰ ⵉⵙⵙⴽⴰⵔ ⵜⴰⴷⵓⵍⵉ ⵏ ⵉⵔⵟⵟⴰⵍⵏ ⵏⵏⵙⵏ, ⴷ ⵓⵅⵍⵍⵚ ⵏ ⵉⵕⵥⴰⵏ ⴷ ⵓⵅⵍⵍⵚ ⵏ ⵜⵖⵕⴰⴹ ⵏ ⵉⵎⵙⵖⴰⵏⵏ ⴷ ⵓⵙⴽⴽⵔ ⵏ ⵜⵎⵙⵙⵉⴹⵏⵜ ⵏⵏⵙⵏ.

ⴰⵙⴱⴰⵢⵏⵓ ⴰⵎⴰⵜⴰⵢ ⵏ ⵜⴳⵍⴷⵉⵜ ⴷⴰ ⵢⵉⴽⴽⵉ ⵜⴰⵎⵓⵣⴰⵢⵜ ⵏⵏⵙ ⴷ ⵓⵙⵙⴼⵔⵓ ⵏⵏⵙ ⴷ ⵢⵉⵡⵙ ⵏⵏⵙ ⵉ ⵜⴳⵔⴰⵡⵉⵏ ⵜⵉⵎⵓⴰⵏⵉⵏ. ⴰⵙⵙⴼⵔⵓ ⴷⴷⵖ ⵉⴳⴰⵏ ⴰⵣⵔⴼⴰⵏ ⴷ ⵓⵥⵕⴼⴰⵏ, ⵉⵣⴷⵉ ⴷ ⵓⵙⵜⵔⴰⵔ ⵏ ⵜⵖⴰⵔⴰⵙⵉⵏ ⵏ ⵓⵙⵉⴹⵏ, ⴷ ⵜⵉⵏ ⵜⵓⵙⵙⵏⴰ ⵜⴰⵥⵕⴼⴰⵏⵜ ⴷ ⵓⵙⵙⴽⴰⵔ ⵏ ⵜⴼⵍⵡⵉⵏ ⵏ ⵢⵉⵔ ⵉⵣⴷⵉⵏ ⴷ ⵓⵥⵕⴼ ⴷ ⵜⵎⵙⵙⵉⴹⵏⵜ.

4- ⴰⵙⵡⵓⴷⴷⵓ ⵏ ⵉⵙⵔⵔⵓⵙⵏ ⴳ ⵓⵙⴱⴰⵢⵏⵓ

ⴰⵙⴱⴰⵢⵏⵓ ⴰⵎⴰⵜⴰⵢ ⵏ ⵜⴳⵍⴷⵉⵜ ⴷⴰ ⵉⵜⵜⴹⵎⴰⵏ ⴰⵙⵡⵓⴷⴷⵓ ⵏ ⵉⵙⵔⵔⵓⵙⵏ ⴳ ⵓⵙⴱⴰⵢⵏⵓ. ⴷⴰ ⵉⵜⵜⴰⵎⵓ ⵙ ⵜⵡⵓⵔⵉ ⴰⴷ ⴳ ⵓⵙⵙⵥⵕⴼ ⵏ ⵓⵙⴱⴰⵢⵏⵓ ⵏ ⵓⵡⴰⵏⴽ. ⵙ ⵓⵢⴰ ⴷⴰ ⵓⵙⵡⵓⴷⴷⵓ ⵉⵎⵉⴹⴰⵏⵏ ⵏ ⵜⵎⵙⵙⵏⵜⴰⵢⵉⵏ ⴷ ⵜⵎⵙⵙⵓⵔⵉⵏ ⵜⵉⴳⴷⵓⴷⴰⵏⵉⵏ ⵏⵏⴰ ⵅⴼ ⵉⵍⵍⴰ ⴰⴷ ⵙⵔⵙⵏⵜ ⵉⴷⵔⵉⵎⵏ ⴳ ⵓⵙⴱⴰⵢⵏⵓ. ⵜⴰⵡⵓⵔⵉ ⴰⴷ, ⵜⵉⵡⴹ ⴰⵡⴷ ⵖⵔ ⵓⵙⵡⵓⴷⴷⵓ ⵏ ⵉⵙⵔⵔⵓⵙⵏ ⵏ ⵎⴷⴷⵏ ⵉⵡⵏⴳⵉⵎⵏ ⵏⵖ ⵉⵎⵥⵍⵉⵢⵏ.

ⵜⵉⵡⵓⵔⵉⵡⵉⵏ ⵏ ⵍⴱⴰⵏⴽⴰ ⵏⵏⴰ ⵉⵙⵙⴽⴰⵔ ⵓⵙⴱⴰⵢⵏⵓ ⴰⵎⴰⵜⴰⵢ ⵏ ⵜⴳⵍⴷⵉⵜ ⴷⴰ ⵜⵏⵜ ⵜⵜⴳⴳⴰⵏ 54 ⵏ ⵉⴷⵖⴰⵔⵏ ⵏ ⵓⵙⵉⴹⵏ,ⴽ 10 ⵏ ⵜⵙⵏⵓⵔⴰⵢⵉⵏ ⵏ ⵍⴱⴰⵏⴽⴰ ⵉⵍⵍⴰⵏ ⴰⴽⴽⵯ ⵅⴼ ⵡⴰⴽⴰⵍ ⴰⵏⴰⵎⵓⵔ. ⵜⵓⴳⴳⴰ ⵖⵉⴼⵙ ⵜⵣⵓⵏⵉ ⵏ ⵓⵎⵔⵡⴰⵙ ⴰⴳⴷⵓⴷⴰⵏ.

ⴳ ⵓⵙⴰⵜⵉ ⵏ ⵜⵡⵓⵔⵉ ⵢⴰⴷ, ⴰⵙⴱⴰⵢⵏⵓ ⴰⵎⴰⵜⴰⵢ ⵏ ⵜⴳⵍⴷⵉⵜ ⴷⴰ ⵢⵉⴽⴽⵉ ⵉ ⵉⵎⵢⴰⵔⵏ ⵏⵏⵙ «  ⵉⵎⵥⵍⵉⵢⵏ ⴷ ⵡⵉⵏⵏⴰ ⵉⵣⴷⵉⵏ ⴷ ⵜⵎⵔⵙⴰⵍⵉⵏ » ⵙⵉⵏ ⵉⵙⵢⴰⴼⵓⵜⵏ ⵉⴱⴰⵏⴽⵉⵢⵏ ⵉⴳⴰⵏ : ⴰⵎⵉⴹⴰⵏ ⵏ ⵓⵙⵔⵔⵓⵙ ⵙ ⵜⵎⵓⵖⵍⵉ ⴷ ⵓⵎⵉⴹⴰⵏ ⵏ ⵓⵙⵔⵔⵓⵙ ⵙ ⵜⴳⵉⵔⴰ ⵉⵎⵓⵏⵏ ⴰⴽⴽⵯ ⴷ ⵜⵏⴰⴼⵓⵜⵉⵏ ⵜⵉⴱⴰⵏⴽⵉⵢⵉⵏ ⴽⴽⵙ ⴷⵉⴳⵙⵏⵜ ⵖⴰⵙ ⵉⵕⵟⵟⴰⵍⵏ.

5- ⴰⵙⵢⴰⴼⵓⵜ ⵏ ⵓⵙⵏⵖⵎⵙ ⴰⵥⵕⴼⴰⵏ ⴷ ⵓⵎⵙⵉⴹⴰⵏ

ⴰⵙⴱⴰⵢⵏⵓ ⴰⵎⴰⵜⴰⵢ ⵏ ⵜⴳⵍⴷⵉⵜ  ⴷⴰ ⵜⵜⴹⵎⴰⵏ ⴰⵙⵎⵓⵜⵜⵔ ⵏ ⵜⵉⴳⵉⵡⵉⵏ  ⵏ ⵓⵎⵙⵉⴹⵏ ⵏ ⵓⵡⴰⵏⴽ ⴷ ⵜⴳⵔⴰⵡⵉⵏ  ⵜⵉⵎⵓⵔⴰⵏⵉⵏ ⵙ ⵓⵢⴰ ⵜⴳⴰ ⵜⴰⵎⴰⵜⴰⵔⵜ ⵏ ⵓⵙⵢⴰⴼⵓ ⴷ ⵓⵙⵉⵜⴳ ⵏ ⵓⵙⵖⵎⵙ ⴰⵎⵙⵙⵉⴹⴰⵏ ⵏ ⵓⵡⴰⵏⴽ ⴷ ⵡⵉⵏ ⵜⴳⵔⴰⵡⵉⵏ ⵜⵉⵎⵓⵔⴰⵏⵉⵏ. ⴰⵢⴰ ⵢⵉⵡⵉ ⴷ :

• ⴰⵙⵙⵏⵎⵍ ⵙ ⵜⵉⴳⵣⵉ ⵏ ⵜⵎⵀⵍⵉⵏ ⵜⵉⵎⵙⴰⵙⵜⵍⵉⵏ  ⴷ ⵜⵥⵕⴼⴰⵏⵉⵏ ;
• ⴰⵙⵙⴰⵖⵓⵍ ⵙ ⵣⵣⵔⴱⴰ ⵏ ⵓⵏⵖⵎⵉⵙ ⵏ ⵜⵉⴷⵜ ⵉⴳⴰⵏ ⵜⴰⵔⵙⵍⵜ ⵏ ⵢⵉⵙⵉ n ⵜⵖⵜⴰⵙⵉⵏ ;
• ⴰⵙⵙⵓⵊⴷ ⵏ ⵜⵏⵜⴰⵎⵉⵏ ⵉⵣⴷⵉⵏ ⴷ ⵢⵉⴼⵉⵍ ⵏ ⵉⵎⵉⴹⴰⵏⵏ.

ⴰⵙⴱⴰⵢⵏⵓ ⴰⵎⴰⵜⴰⵢ ⵏ ⵜⴳⵍⴷⵉⵜ ⴷⴰ ⴷ ⵉⵙⵙⵓⴼⵓⵖ ⵉⵜⵙ ⵏ ⵜⵏⴼⵓⵍⵉⵏ ⵏ ⵓⵙⵏⵎⴽⵜⴰ (ⵜⴰⵏⴼⵓⵍⵜ ⵏ ⵉⵙⵏⵎⴽⵜⴰⵢⵏ ⴷ ⵉⵥⵕⴼⵏ ⵉⴳⴷⵓⴷⴰⵏⵏ, ⵜⴰⵏⴼⵓⵍⵜ ⵏ ⵉⵙⵏⵎⴽⵜⴰⵢⵏ ⵏ ⵉⵥⵕⴼⵏ ⵉⴷⵖⵔⴰⵏⵏ, ⵜⴰⵏⴼⵓⵍⵜ ⵏ ⵜⵙⵏⵜⴰⵢⵜ ⵜⴰⵏⴰⵎⵓⵔⵜ ⵉ ⵜⵉⴳⵎⵉ ⵜⴰⵏⴼⴳⴰⵏⵜ…).