ⴳ ⵓⵖⵔⴰⴹ ⵏ ⵜⵏⵜⵜⴰⵎⵜ ⵏ ⵡⴰⵜⵉⴳⵏ ⵉⵍⵜⵉⵣⴰⵎ, ⴰⵍⵓⴳⵏ ⵏ ⵜⵖⴰⵔⵉⵡⵉⵏ ⵉⴳⴰ ⵓⵡⵜⵜⴰⵙ ⵏⵏⵙ ⴰⴷ ⵉⴳ ⴰⵙⴰⵖⵓⵍ ⴰⵖⴰⵔⵉⵡ ⴷ ⴰⴷ ⵉⵙⵜⵜⵎⵔ ⴽⵔⴰ ⵏ ⵉⵙⵍⴳⵏⵏ ⵏ ⵜⵖⴰⵔⴰ ⵏⵏⴰ ⵏ ⵉⵇⵇⴰⵏ ⴰⴷ ⴹⴼⵓⵕⵏ ⵉⵎⴷⵔⴰⵢⵏ ⴰⴽⴽⵯ ⵏ ⵓⵙⴱⴰⵢⵏⵓ ⴰⵎⴰⵜⴰⵢ ⵏ ⵜⴳⵍⴷⵉⵜ. ⴽⵓ ⴰⵎⴷⵔⴰⵢ ⴰⵢⵏⵏⴰ ⵜⵔⴰ ⵜⴳ ⵜ ⵜⵉⵣⵉ ⵏⵏⵙ, ⵉⵇⵇⴰⵏ ⵜ ⵉⵏ ⴰⴷ ⵉⵣⵔⴽ ⵙ ⵓⵢⵏⵏⴰ ⵎⵉ ⵉⵖⵉⵢ ⴳ ⵜⵎⴰⵙⴰⵢⵉⵏ ⵏⵏⵙ ⵉⵍⵓⴳⵏⵏ ⵏⵏⴰ ⵉⵍⵍⴰⵏ ⴳ ⵓⵙⵍⴳⵏ ⴰⴷ, ⵢⴰⴳⴳ ⵅⴼ ⵓⵙⵡⵓⵔⵉ ⵏⵏⵙⵏ ⴰⴳⵓⵏⵙ ⵏ ⵜⵔⴰⴱⴱⵓⵜⵉⵏ ⵏ ⵜⵡⵓⵔⵉ ⵏⵖ ⵖⵓⵔ ⵎⴷⴷⵏ ⵉⵍⵍⴰⵏ ⴷⴷⴰⵡ ⵜⵎⴰⵙⴰⵢⵜ ⵏⵏⵙ.

ⵏⴽⴽⵯⵏⵉ

ⴰⵎⵏⵏⵉ 1 :

ⴷⴰ ⵏⵜⵜⴰⴳⴳⴰ ⵅⴼ ⵓⴱⵖⵓⵔ ⴰⵎⴰⵜⴰⵢ ⴷ ⵓⴹⵎⴰⵏ ⵏ ⵓⵣⵣⵉⴳⵣ ⴳ ⵜⵏⴰⴼⵓⵜ ⵜⴰⴳⴷⵓⴷⴰⵏⵜ ⵙ ⵜⵡⵓⵔⵉ ⵉⵖⵓⴷⴰⵏ, ⵙ ⵜⵓⵍⵍⵓⵖⵜ ⴰⵣⵣⵓⵍⴰⵏⵜ ⴷ ⵙ ⵜⵔⴰⵡⵙⵏⵜ ⵙ ⵓⵣⵔⴰⴽ ⵏ ⵓⵣⵔⴼ ⴷ ⵓⵙⵍⴳⵏ .

ⴰⵎⵏⵏⵉ 2 :

ⵏⴽⴽⵯⵏⵉ ⵏⴳⴰ ⵉⵎⴰⵙⴰⵢⵏ, ⴽⵓ ⵢⴰⵏ ⴳ ⵜⵉⵣⵉ ⵏⵏⵙ, ⵏ ⵓⵙⵡⵓⵔⵉ ⵉⵖⵓⴷⴰⵏ ⴷ ⵓⴼⵔⴰⴳ ⵏ ⵡⴰⵢⵍⴰⵜⵏ ⴷ ⵉⵙⴰⴳⵎⵏ ⵉⵜⵜⵓⴼⴽⴰⵏ ⵉ ⵓⵙⴱⴰⵢⵏⵓ ⴰⵎⴰⵜⴰⵢ ⵏ ⵜⴳⵍⴷⵉⵜ, ⵎⴳⴰⵍ ⵜⴰⵕⵓⵥⵉ, ⵜⴰⴽⵏⴷⴰⵡⵜ, ⵎⵣⵍⵉⵡⵜ ⵏ ⵜⵓⴽⴽⵕⴹⴰ. ⴰⵢⵍⴰⵜⵏ ⴷ ⵉⵙⴳⵎⵏ ⴰⴷ, ⵉⵇⵇⴰⵏ ⵏ ⴰⴷ ⵜⵜⵓⵙⵡⵓⵔⵉⵏ ⵙ ⵓⵢⵏⵏⴰ ⵉⵎⵓⵏⵏ ⴷ ⵓⵡⵜⵜⴰⵙ ⴰⵣⵣⵓⵍⴰⵏ ⵏⵏⵙⵏ.

ⴰⵎⵏⵏⵉ 3 :

ⵉⵇⵇⴰⵏ ⵏ ⴰⴷ ⵓⵔ ⵏⴹⵕ ⴳ ⵢⴰⵏ ⵡⴰⴷⴷⴰⴷ ⵉⴳⴰ ⵜⵉⴷⵜ ⵏⵖ ⵓⵀⵓ, ⵏ ⵓⵎⵏⵏⵓⵖ ⵅⴼ ⵓⴱⴰⵖⵓⵔ ⵙ ⵜⵓⴳⵉⵜ ⵏ ⴽⵔⴰ ⵏ ⵜⵖⴰⵔⴰⵙⵜ ⵙ ⵉⵣⵎⴰⵣ ⵓⵔ ⵉⴳⵉⵏ ⵉⵣⵣⵓⵍⴰⵏⵏ.
ⵓⵔ ⴰⴷ ⵏⵙⵙⴽⵔ ⵏⵖ ⴰⴷ ⵏⵇⴱⵍ ⴰⵙⵎⴽⵍ ⵏ ⴽⵔⴰ ⵏ ⵓⵊⵎⵉⵍ ⴱⵍⴰ ⵉ ⵉⴳⵎⴰⵎⵏ ⵏ ⵜⴰⵡⵊⴰ ⵏⵏⵖ ⴷ ⵡⵉⵏⵏⴰ ⴰⵖ ⴷ ⵉⵏⵎⴰⵍⴰⵏ.

ⴰⵎⵏⵏⵉ 4 :

ⴷⴰ ⵏⵜⵜⴰⴳⴳⴰ ⵓⵣⵔⴰⴽ ⵏ ⵉⵍⵓⴳⵏⵏ ⵉⵣⴷⵉⵏ ⴷ ⵓⵎⵏⵏⵓⵖ ⵎⴳⴰⵍ ⴰⵙⴳⵓⴼⵙⵓ ⵙ ⵜⵓⴳⵉⵜ ⵏ ⵓⵢⵏⵏⴰ ⵉⵖⵉⵢⵏ ⴰⴽⴽⵯ ⴰⴷ ⵢⴰⵡⵙ ⵉ ⵢⵉⵎⵥ ⵏ ⴽⵔⴰ ⵏ ⵓⵊⵎⵉⵍ ⵏⵖ ⵉ ⴽⵔⴰ ⵏ ⵜⵓⴷⵎⴰⵡⵉⵏ ⴰⴷⴷⴰⵢ ⵉⵍⵍⴰ ⵓⵎⵀⴰⵡⴰⴹ.

ⴰⵎⵏⵏⵉ 5 :

ⵓⵔ ⴰⴷ ⵏⵇⴱⵍ, ⴳ ⵓⵖⴰⵡⴰⵙ ⵏ ⵉⵣⴷⴰⵢⵏ ⵉⵣⵣⵓⵍⴰⵏⵏ ⵏⵏⵖ, ⴳ ⴽⵔⴰ ⵏ ⵓⵏⵎⵢⴰⵔ ⵏⵖ ⵙⴳ ⴽⵔⴰ ⵓⵎⴷⵔⴰw ⵍⴰ ⴰⴷ ⴰⵙⵏ ⵏⴼⴽ ⵍⴰ ⴰⴷ ⵖⵓⵔⵙⵏ ⵏⴰⵎⵥ ⴽⵔⴰ ⵏ ⵉⵙⴼⴽⴰ ⵏⵖ ⴽⵔⴰ ⵏ ⵜⵔⵣⵣⵉⴼⵉⵏ ⵏⵖ ⴽⵔⴰ ⵏ ⵉⵊⵎⵉⵍⵏ ⵢⴰⴹⵏ. ⵎⴰⵛⴰ ⵖⴰⵙ ⵉⵙⴼⴽⴰ ⴷ ⵜⵔⵣⵣⵉⴼⵉⵏ ⵎⵉ ⵉⴷⵔⵓⵙ ⵡⴰⵜⵉⴳ ⴷ ⵓⵔ ⴷⴰ ⵜⵜⵓⴼⴽⴰⵏⵜ ⵙ ⵉⴷⵔⵉⵎⵏ ⴷ ⵜⵉⵏⵏⴰ ⵉⴽⵛⵎⵏ ⴳ ⵉⵍⵓⴳⵏⵏ ⵏ ⵓⵙⵍⵓⴼ, ⵜⵉⵏⵏⵓⴱⴳⴰ ⵏⵖ ⵍⴱⵔⵓⵟⵓⴽⵓⵍ ⴷ ⵜⵎⵢⵓⵔⵉⵏ.

ⴰⵎⵏⵏⵉ 6

ⵓⵔ ⵏⴻⵏⵏⵉ ⴰⴷ ⵏⵙⵙⵓⵔⴼ ⵅⴼ ⵜⵡⵓⵔⵉ ⵏⵏⵖ, ⵓⵔ ⵏⴻⵏⵏⵉ ⴰⴷ ⵏⵙⵙⵅⴷⵎ ⴰⴹⵖⴰⵔ ⵏⵏⵖ ⴳ ⵜⵡⵓⵔⵉ ⴰⴼⴰⴷ ⴰⴷ ⵏ ⵏⴰⵡⴹ ⵉⴱⵖⵓⵔⵏ ⵉⵏⵉⵎⴰⵏⵏ ⵏⵖ ⴰⴷ ⵏⴰⵡⵙ ⵉ ⴽⵔⴰ ⵏ ⵎⴷⴷⵏ ⵉⴽⵎⴰⵎⵏ ⵏⵖ ⵉⵡⵏⴳⵉⵎⵏ ⴳ ⵓⵢⵏⵏⴰ ⵉⵣⴷⵉⵏ ⴷ ⵜⵎⵔⵙⵍⵜ ⵏⵏⵖ ⵎⵛ ⵢⵉⵡⵉ ⵓⵢⴰⴷ ⵖⵔ ⴽⵔⴰ ⵏ ⵓⵙⴱⵖⵔ ⵏⵏⵙⵏ.

ⴰⵎⵏⵏⵉ 7

ⴷⴰ ⵏⵜⵜⴹⵎⴰⵏ ⵜⵉⵏⵏⵓⵜⵍⴰ ⵏ ⵉⵙⴼⴽⴰ ⵏⵏⴰ ⵢⴰⵖ ⵉⵜⵜⵓⴼⴽⴰⵏ ⴷ ⵎⴰ ⵉⴳⴰⵏ ⴰⵏⵖⵎⵉⵙ ⴰⵔⴰⴳⴷⵓⴷ ⴳ ⵓⵣⵔⴰⴽ ⵏ ⵓⵣⵔⴼ ⴷ ⵉⵍⵓⴳⵏⵏ  ⵉⵣⵣⵉⴳⵉⵣⵏ. ⴰⵙⵙⵅⴷⵎ ⵏ ⵉⵙⴼⴽⴰ ⴷ ⵉⵏⵖⵎⵉⵙⵏ ⴰⴷ ⵓⵔ ⵉⴳⵉ ⵖⴰⵙ ⵎⴳⴰⵍ ⴰⵍⵓⴳⵏ ⵏ ⵜⵖⴰⵔⵉⵡⵉⵏ ⵏⵏⵖ ⵎⴰⵛⴰ ⴷⴰ ⵉⵜⵜⴰⵡⵉ ⵖⵔ ⵉⵣⵎⴰⵣ.

ⵉⵔⵏⴰⵡⵏ ⴷ ⵉⵎⴰⵡⴰⵙⵏ ⵏⵏⵖ

ⴰⵎⵏⵏⵉ 8 :

ⴷⴰ ⵏⵜⵜⴹⵎⴰⵏ ⵜⵉⵡⵉⵙⵉ ⵉ ⵉⵔⵏⴰⵡⵏ ⴷ ⵉⵎⴰⵡⴰⵙⵏ ⵏⵏⵖ, ⴰⴷ ⵉⴹⴼⵓⵕ ⵓⵢⴰⴷ ⵉⵎⴰⵏ ⵏ ⵜⵔⴱⵉⵄⵜ, ⴰⵣⵔⴰⴽ ⵏ ⵓⴼⴳⴰⵏ ⴷ ⵜⵏⵓⵎⵉ.

ⴰⵎⵏⵏⵉ 9 :

ⵏⵓⵙⵉ ⵜⴰⵖⵜⵙⵜ ⵏ ⴰⴷ ⵏⴼⴽ ⵉ ⵉⵎⴰⵡⴰⵙⵏ ⵏⵏⵖ ⵉⵍⴰⵏ ⵢⴰⴽⵙⵓⵍⵏ ⵏ ⵢⵉⴽⵣ ⴷ ⵜⵎⵔⵏⵉⵡⵜ ⴳ ⵜⵡⵓⵔⵉ ⴰⴼⴰⴷ ⴰⴷ ⴰⵡⵙⵏ ⴳ ⵜⴳⵎⵉ ⵜⴰⵣⵣⵓⵍⴰⵏⵜ ⴷ ⵓⵙⵎⵓⵙⵙⵓ ⵙ ⵓⴱⵔⵉⴷ ⵏ ⵓⵙⵎⵓⵜⵜⴳ ⴷ ⵓⵙⵙⵉⵍⵢ ⴷ ⵓⵙⵎⵓⵙⵙ ⴳ ⵓⵢⵏⵏⴰ ⵉⵣⴷⵉⵏ ⴷ ⵉⵎⴰⵙⵙⵏ ⵏⵏⴰ ⵉⵍⵍⴰⵏ ⵖⵓⵔ ⵜⵎⵙⵙⵓⴳⵓⵔⵜ.

ⴰⵎⵏⵏⵉ 10 :

ⴷⴰ ⵏⵜⵜⴹⵎⴰⵏ ⵉ ⵉⵔⵏⴰⵡⵏ ⴷ ⵉⵎⴰⵡⴰⵙⵏ ⵏⵏⵖ ⵢⴰⵜ ⵜⵡⵏⵏⴰⴹⵜ ⵏ ⵜⵡⵓⵔⵉ ⵜⴰⵎⵣⵔⴰⴽⵜ ⵏ ⵉⵣⵔⴼⴰⵏ ⵉⵏⴰⵎⵓⵏⵏ ⵉⵎⵙⴰⵙⴰⵏ ⴷ ⵉⵍⵓⴳⵏⵏ ⵏ ⵜⵣⴷⴳⵉ ⴷ ⵙⵙⵍⴰⵎⵜ. ⴷⴰ ⴰⵙⵏ ⵏⵜⵜⴹⵎⴰⵏ ⴰⴼⵔⴰⴳ ⴷ ⵢⵉⵡⵙ ⴳ ⵓⵙⵡⵓⵔⵉ ⵏⵏⵙⵏ ⴷ ⵓⵙⵙⵎⵖⵔ ⵏ ⵢⵉⴷⴼ ⵖⵔ ⵜⵏⴰⴼⵓⵜⵉⵏ.

ⴰⵎⵏⵏⵉ 11 :

ⵓⵔ ⴰⴷ ⵏⵇⴱⵍ ⴰⵡⴷ ⵢⴰⵏ ⵡⴰⵏⴰⵡ ⵏ ⵓⵏⵓⵃⵢⵓ, ⵏ ⵓⵙⵙⵉⵡⴷ ⵏⵖ ⵏ ⵓⵙⵇⵇⵎⵕ ⴳ ⵓⴹⵖⴰⵔ ⵏ ⵜⵡⵓⵔⵉ.

ⴰⵎⵏⵏⵉ 12 :

ⴷⴰ ⵏⵙⵙⴱⵖⴰⵙ ⴰⵎⵙⴰⵡⴰⵍ ⴰⵏⴰⵎⵓⵏ ⵙ ⵓⵣⵔⴰⴽ ⵏ ⵉⵣⵔⴼⴰⵏ ⴷ ⵉⵍⵓⴳⵏⵏ ⵉⵣⵣⵉⴳⵉⵣⵏ.

ⵉⵎⵢⴰⵔⵏ ⴷ ⵉⵎⴷⵔⴰⵡⵏ ⵏⵏⵖ

ⴰⵎⵏⵏⵉ 13 :

ⴷⴰ ⵏⵜⵜⴹⵎⴰⵏ ⵜⴰⵎⵔⵏⵉⵡⵜ ⴳ ⵜⵏⴰⴼⵓⵜ ⵜⴰⴳⴷⵓⴷⴰⵏⵜ, ⴰⵙⴽⵙⵍ ⵏ ⵓⵙⵎⴽⵍ ⵉ ⴽⵓⵢⴰⵏ ⴷ ⵓⵙⵙⵎⵖⵔ ⵏ ⵢⵉⴷⴼ ⵖⵔ ⵜⵏⴰⴼⵓⵜⵉⵏ ⵏⵏⵖ ⵉ ⵎⴷⴷⵏ ⵎⵉ ⵜⴷⵔⵓⵙ ⵏⵖ ⵓⵔ ⵥⴷⴰⵕⵏ ⵉ ⵓⵎⵓⵙⵙⵓ.

ⴰⵎⵏⵏⵉ 14 :

ⴷⴰ ⴰⵙⵏ ⵏⵜⵜⴹⵎⴰⵏ ⵢⴰⵏ ⵓⵙⵏⵓⴱⴳ ⵉⵏⵏⵓⵕⵥⵎⵏ, ⵢⴰⵏ ⵓⵙⵙⴼⵍⴷ ⵉⵍⴰⵏ ⵜⴰⵖⴰⵔⴰ ⴳ ⵜⵉⵔⴰⵎ ⵉⵖⵓⴷⴰⵏ. ⴰⴷ ⵏⵙⵙⵉⵡⵉⴹ ⵢⴰⵏ ⵓⵙⵏⵖⵎⵙ ⵏ ⵜⵉⴷⵜ ⵙ ⵜⵎⴰⴼⴰⵡⵜ ⴷ ⵉ ⵉⵎⴷⵔⴰⵡⵏ ⵏⵏⵖ ⵜⴰⵎⵢⴰⵡⴰⵙⵜ ⴷ ⵓⵙⵙⴼⵔⵓ.

ⴰⵎⵏⵏⵉ 15 :

ⴷⴰ ⵏⵙⵙⵓⵜⵓⵔ ⴳ ⵉⵎⵢⴰⵔⵏ ⴷ ⵉⵎⴷⵔⴰⵡⵏ ⵏⵏⵖ ⴰⴷ ⴰⵖ ⴰⵡⵙⵏ ⴰⴷ ⵏⴹⴼⵓⵕ ⵉⵎⵏⵣⴰⵢⵏ ⵏ ⵜⵖⴰⵔⵉⵡⵉⵏ ⵉⵣⴷⵉⵏ ⴷ ⵓⵣⵔⴰⴽ ⵏ ⵉⵣⵔⴼⵏ ⴷ ⵉⵍⵓⴳⵏⵏ ⴷ ⴰⴷ ⵏⴽⴽ ⵜⴰⵙⴳⴰ ⵉ ⵜⴽⵏⴷⴰⵡⵜ, ⴰⵎⵏⵏⵓⵖ ⵅⴼ ⵓⴱⴰⵖⵓⵔ ⴰⵏⵉⵎⴰⵏ ⴷ ⵓⵙⴳⵓⴼⵙⵓ ⴷ ⵍⵖⵓⵛⵛ.

ⴰⵎⵏⵏⵉ 16 :

ⵏⵖⵜⵙ ⴰⴷ ⵏⴳ ⵢⴰⵜ ⵜⵎⵙⵙⵓⴳⵓⵔⵜ ⵏⵏⴰ ⵉⵣⵔⴽ ⵡⴰⵎⵓⵏ.