ⴰⵔ ⵜⵙⵏⵎⴰⵍⴰ ⵜⵎⴰⵡⴰⵙⵜ ⵏ ⵜⴷⴰⵎⵙⴰ ⴷ ⵓⵥⵕⴼ, ⵙ ⵓⴷⵔⴰⵡ ⴰⴽⴷ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵓⵡⵏⴰⴹ ⵏ ⵜⵡⵓⵔⵉⵡⵉⵏ (CNEA) ⴷ ⵓⵙⵏⵜⵉ ⵏ PROMET  "ⴰⵙⵓⵙⵙⵏ ⵙ ⵜⵏⵙⵙⵉⵅⴼⵜ ⵏ ⵜⵡⵓⵔⵉⵡⵉⵏ" ⵉⴹⴼⴰⵕⵏ ⵉ ⵜⵙⵏⵓⵔⴰⵢⵜ ⵜⴰⵍⵎⴰⵏⵉⵜ ⵏ ⵓⵎⵢⴰⵡⴰⵙ ⴰⵏⴳⵎⵓ (GIZ), ⴰⵙⵙ ⵏ 24 ⴽⵟⵓⴱⵕ 2023 ⴳ ⵓⵙⵖⵉⵎ ⵏ ⵓⵙⴱⴰⵢⵏⵓ ⴰⵎⴰⵜⴰⵢ ⵏ ⵜⴳⵍⴷⵉⵜ ⴳ ⵕⵕⴱⴰⵟ, ⵢⴰⵏ ⵡⴰⵙⵙ ⴰⵏⵖⵎⴰⵙ ⴷ ⵓⵎⴹⴰⴽⴰⵕ ⵅⴼ ⵓⵙⴳⴳⴷ ⵏ ⵓⵏⴳⵔⴰⵡ ⵏ ⵜⵓⵜⵔⵉⵡⵉⵏ ⵜⵉⴳⴷⵓⴷⴰⵏⵉⵏ..

ⵉⴳⴰ ⵓⵡⵜⵜⴰⵙ ⵏ ⵡⴰⵙⵙ ⴰⴷ ⴰⵎⵎⵙⴽⴰⵍ ⵏ ⵉⵙⴳⵓⵎⵏ ⵉⴷⵙⵍⴰⵏⵏ ⵏ ⵓⵙⴳⴳⴷ ⴷ ⵉⵙⵏⵜⴰⵢ ⵉⵎⵢⴰⵏⴰⵡⵏ ⵉ ⵓⵙⴷⵓⵙ ⵏ ⵓⵣⵣⴳⵉⵔ ⵏⵏⵙ ⴰⴽⴷ ⵎⵏⵏⴰⵡ ⵉⵎⴷⵔⴰⵡⵏ ⵉⵎⵏⵜⴰⵢⵏ ⴳ ⵢⵉⴳⵔ ⵏ ⵜⵓⵜⵔⵉⵡⵉⵏ ⵜⵉⴳⴷⵓⴷⴰⵏⵉⵏ.

ⴰⴷ ⵉⵙⵙⵏⵜⵉ ⵡⴰⵙⵙ ⵙ ⵢⴰⵜ ⵜⴳⵓⵔⵉ ⵏ ⵓⵕⵥⵥⵓⵎ ⴷ ⵓⴼⵙⴰⵔ ⵏ ⵢⴰⵜ ⵜⴰⵏⴰⴹⵜ ⵜⴰⵎⵣⵡⴰⵔⵓⵜ ⵅⴼ ⵓⵙⴳⴳⴷ ⵏ ⵓⵏⴳⵔⴰⵡ ⵏ ⵜⵎⵙⵖⵉⵡⵉⵏ ⵜⵉⵎⴰⵜⴰⵢⵉⵏ.

ⵔⴰⴷ ⴹⴼⵕⵏⵜ ⴰⵢⵏⵏⴰ ⴽⵔⴰ ⵏ ⵜⴽⵛⵛⵓⵎⵉⵏ ⴷ ⵉⵎⴹⴰⴽⴰⵕⵏ ⵉⵏⵎⴰⵍⴰⵏ ⴳ ⴽⴽⵓⵥⵜ ⵏ ⵜⵙⴷⴷⵉⵢⵉⵏ ⵅⴼ ⵉⵙⴳⵓⵎⵏ ⴰⴷ:

•     ⴰⵎⵏⵉⴷ ⴰⴷⵎⵙⴰⵏ ⵏ ⵓⵙⴳⴳⴷ ⵏ ⵓⵏⴳⵔⴰⵡ ⵏ ⵜⵓⵜⵔⵉⵡⵉⵏ ⵜⵉⴳⴷⵓⴷⴰⵏⵉⵏ.
•     ⴰⵙⴳⴳⴷ ⵏ ⵓⵏⴳⵔⴰⵡ ⵏ ⵜⵓⵜⵔⵉⵡⵉⵏ ⵜⵉⴳⴷⵓⴷⴰⵏⵉⵏ: ⵜⴰⵎⵙⵙⵉⵍⵉⵜ ⵏ ⵓⵎⵙⴰⵙⴰ ⴰⵏⴰⵎⵓⵏ, ⴷ ⵜⴳⵎⵉ ⵜⴰⵙⵓⵍⴰⵏⵜ, ⴷ ⵓⵎⵢⴰⴷⴰⴼ ⴰⵙⴳⴰⵡⴰⵏ.
•     ⴰⵙⴳⴳⴷ ⵏ ⵜⵓⵜⵔⵉⵡⵉⵏ ⵜⵉⴳⴷⵓⴷⴰⵏⵉⵏ ⴳ ⵜⵏⴰⴼⵓⵜ ⵏ ⵜⵎⴰⴼⴰⵡⵜ ⴷ ⵜⵣⴷⴳⵉ ⴷ ⵓⵙⵇⵙⵉ.
•     ⵜⴰⵙⵎⵓⵟⵟⵓⵏⵜ ⴷ ⵓⵙⴰⵏⵓⵏ: ⵉⴼⵔⴷⴰⵙ ⵉⵙⵜⵔⴰⵜⵉⵊⵉⵢⵏ ⵏ ⵓⵙⴷⵓⵙ ⵏ ⵓⵙⴳⴳⴷ.

ⴰⵖⴰⵡⴰⵙ

• ⴰⵖⴰⵡⴰⵙ

ⴰⵙⵉⵡⴹ

• ⴰⵙⵉⵡⴹ

ⵉⵎⵛⴽⵛⴰⵎⵏ

• ⵜⴰⴳⵓⵔⵉ ⵏ ⵓⵕⵥⵥⵓⵎ ⵏ ⵎⴰⵙⵙ ⵏⵓⵕ ⴷⴷⵉⵏ ⴱⵏⵙⵓⴷⴰ, ⴰⵏⵙⴱⴰⵢⵏⵓ ⴰⵎⴰⵜⴰⵢ ⵏ ⵜⴳⵍⴷⵉⵜ

• ⵜⴰⵏⴰⴹⵜ ⵜⴰⵎⵣⵡⴰⵔⵓⵜ ⵙⴳ ⴷⴰⵔ ⵎⴰⵙⵙ ⵏⵓⵕ ⴷⴷⵉⵏ ⴱⵏⵙⵓⴷⴰ, ⴰⵏⵙⴱⴰⵢⵏⵓ ⴰⵎⴰⵜⴰⵢ ⵏ ⵜⴳⵍⴷⵉⵜ